HMOTAOPAZY 14:27 - Mara Bible RV (BSI)

²⁷ Ama tlô nahta, Awnanopa sahlaozy awpakhy ei ta, Khazohpa ta âmo hmâpa ta hmo a taopa zydua nata Zenitaizy châta ngiapâna ochhi a pahyzie zy chho ei ta.

HMOTAOPAZY 14:27 ပူးပေါင်းရင်းမြစ်များ

ZAWHÂNA 9:10

Âmo ta a hnohta, “Cha khiah, kheihtazieta na mo a vaw pavâ haw?” tah ei ta.

HMOTAOPAZY 11:18

Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 15:12

Chatanachata zawpi zydua cha a chalih ha ei ta, Bânabâ nata Pawla ta âmo hmâpa ta Khazohpa ta Zenitaizy hry liata ngiana nata hmonoâhpa a taopa kyh ama reipazy cha nathlie ei ta.

RAWMA 15:18

Zenitaizy Khazohpa bie pazyhsa awpa ta Krista ta kei na hmâh ta, cha châta ei biereipa nata ei hmotaopazy dei leipa ta cha, bie hropa rei a chhuah va na.

1 KAWRINI 11:18

A hmiatua chai ta, Awnanopa sahlao namâ pakhy nahta, nama hry liata a pachhaihna a y tyh tahpa ei thei. Ei zo pâ thlâh haw.

1 KAWRINI 14:23

Chavâta Awnanopa apakhyna liata, nama zydua ta reihtheileipa ta bie nama rei khiahta cha, khôtho chyhsazy tlyma, ngiapâleipazy tlyma a vaw ngia ei sala, palôh a ki leipa hawhta cha pachâ aw veih ei ma?

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

1 KAWRINI 16:9

Chakaona hlaotloh nawpa ta ei châta ochhi kawh ngaitapa â pahy. Dyuhtuhpazy chhao ama hluh ngaita.

1 KAWRINI 5:4

Eima Beipa Zisu moh ta namâ pakhy tita, eima Beipa Zisu hmotaotheina ta, ei thlahpa chhao nama hnohta â hlao tyh hra.

2 KAWRINI 2:12

Krista thâtihpha chho awpa ta Tarôsa khih ei vaw tlô nona kha, Abeipa ta ochhi na pahypa ta.

KAOLAOSÂ 4:3

Bâlia ei kyna chhâpa Krista bienyupa chho awpa ta, Khazohpa ta a bie châta ochhi miah a pahypa thei nawpa ta, thlah miah chhâpa u la,