HMOTAOPAZY 14:22 - Mara Bible RV (BSI)

²² Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

HMOTAOPAZY 14:22 ပူးပေါင်းရင်းမြစ်များ

ISAI 35:3

Ku chiehleipazy cha thapatlô u la, Pakhu chalyupazy pa-i teh u.

MATHAI 10:38

Ahy rai a kraws a piapa ta nâ zi leipa cha, ei chyhsa tlâh châ vei.

MATHAI 16:24

Zisu ta a pachupazy hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy.

MATHAI 19:24

Ei cha chho chanei ei, chyhsa hneirôhpa Khazohpa khinarâh â ngia awpa hlâta la, râraoseihpa chiephoh khaoh liata a ngia awpa tlao a nao via,” tah ta.

MÂKA 10:30

tahmâ hro chhôh tlai heta ozy, unawhzy, sietanôzy, nôzy, sawzy, râhzy a lie za kha ta hmô aw ei ta, taolana nata daihti vaw tlô awpazy liata chhâzaw hrona ama hnei aw.

MÂKA 9:47

Na mo ta a cha pamoleisa khiahta cha, thaoh ha mah y. Mo no hneipa ta Kehenâ liata thypa châ awpa hlâta cha, mo kha hneipa ta Khazohpa khinarâh lâ a ngiapa na châta a pha via.

LUKA 24:26

Mesia cha, cha hmozy cha pasa taopa ta a rônahna liata â ngia awpa châ vei ma?” tah ta.

ZAWHÂNA 15:18

“Khizaw ta a châ hao khiah ei ta cha, nâmo ama châ hao hlâta, kei einâ hao tua ei tahpa pahno teh u.

ZAWHÂNA 15:20

‘Chakaotuhpa cha a zibeipa hlâta lai via vei,’ tahpa bie ei cha chhopa ei kha a thei thlâh ha teh u. Kei eina taola khiah ei ta cha, nâmo chhao ama cha taola aw. Ei bie ama zyh khiahta cha, nâmo bie chhao ama zyh aw.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

ZAWHÂNA 3:5

Zisu ta a chhy ta, “Hmeiseihta ta, hmeiseihta ta ei cha chho, ahy rai ti nata Thlahpa ta a pih leipa khiahta la, Khazohpa khinarâh a ngia thei aw vei.

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

HMOTAOPAZY 11:26

A hmô nahta, Antiôkâ lâta a vaw chhi ta. Kô kha chhôh tlai Awnanopa apakhyna liata a hlao ei ta, chyhsa hluhpi ama pachu lymâ. Antiôkâ liana heta pachupazy cha Krizyhpazy tahpa ta aw tuapa ama châ.

HMOTAOPAZY 11:29

Chatanachata pachupazy cha, ama tao theipa rakha chyu ta, Zudia râh liata unawh a ypazy lâ baona paphao a chhuah ei ta.

HMOTAOPAZY 13:43

Pakhyna a pai nahta, Zuzy nata Khazohpa a pachâpa Zu phohlypa hluhpi ta Pawla nata Bânabâ cha zi ei ta, âmo cha bie a chho ei ta, Khazohpa ngiachhiena liata y thlâh ha awpa ta pasyu ei ta.

HMOTAOPAZY 14:20

Châhrasala pachupazy a kiapâh liata amâ vaw hmaoh nahta, vaw thyu ta, khihpi lâ a ngia heih ta, a mylâ ta Bânabâ nata Derbe khih lâ sie ei ta.

HMOTAOPAZY 14:28

Pachupazy hnohta bohpi y ei ta.

HMOTAOPAZY 15:32

Hrohsopa Zudâh nata hrohsopa Sila ta bie hluhpi ta unawhzy cha thlah palôhpa ta, thapatlô ei ta.

HMOTAOPAZY 15:41

Suria nata Silisia râhzy chahryh ta, Awnanopazy thapatlô lymâ ta.

HMOTAOPAZY 18:23

Cha liata khachâ rakha tlyma a y tawhta, sie heih ta, pachupa sahlao zydua thapatlô laihpa ta, Kalatia râh nata Pharuzia râhzy chahryh ta.

HMOTAOPAZY 6:7

Chatawhcha Khazohpa bie cha pôh lymâ ta, pachupazy maluh cha Zerusale liata thata pôh ta, theihthaipa hluhpi chhao ta zo ei ta, amâ ngiapâ haw.

HMOTAOPAZY 9:16

Ei moh vâta riethei khatlu ta ma a tao aw tahpa ei pahmôsa aw,” tah ta.

RAWMA 8:17

Sawzy eima châ khiahta cha, ryutotuhpazy eima châ. Khazohpa ryu totuhpazy châ pi ta, Krista ryutolâhpazy eima châ. A hnohta riethei eima tao khiahta cha, a hnohta palyupalihpa ta eima y hra aw.

1 KAWRINI 1:8

Eima Beipa Zisu Krista noh liata, seina hnei leipa ta nama y thei nawpa ta, ano ta a chhâna taihta tha a cha patlô aw ei.

PHILIPI 1:29

Krista namâ ngiapâpa dei châ leipa ta, ano vâta pasa nama tao awpa chhao pasaipa châ tlôh ta.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

2 TIMAWTHY 1:8

Chavâta eima Beipa bie pahnotuhpa châpa cha zakhei khah y. Kei ano vâta atâhpa chhao he na zakhei hra leipa la, Khazohpa hmotaotheina ta thâtihpha châta pasa tlao na taokhei mah y.

2 TIMAWTHY 3:12

Hmeiseih ta la, Khazohpa khozie hawhta Krista Zisu liata hro a chhuahpa zydua cha taolana amâ tyh aw.

1 PITY 2:21

Krista kha nâmo châta pasa a taopa vâta, nâmo chhao pasa tao awpa ta awpa châ ei chi ta, a pheihnie nama pazi thei nawpa ta a mopâ awpa a cha sopa ei.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

1 PITY 5:9

Khizaw zydua liata nama unawhzy chô liata chhao, cha hawhta pasataona cha a tlô hra tahpa pahnopa ta, ngiapâna liata â ipa ta y u la, ahripa a dyuh teh u.

2 PITY 1:11

Chatanachata eima Beipa nata Pachhatuhpa Zisu Krista chhâzaw khinarâh liata a ngia theina cha, pasai ngaitapa ta piepa nama châ aw.

ZUDÂH 1:3

Kho ngaitapa saih u, mo to ta pachhana eima topa thâtih nama hnohta ro awpa ei kho kaw nota, mopathaihpazy hnohta chhâzaw châta ei kha piepa ngiapâna a duakhei lymâ awpa ta, nâmo lâ ahawna tao awpa â ngiahpa ta ei pahno.

BIEPHUAH 1:9

Kei, Zawhâna, nama unawhpa nata Zisu liata rietheina nata khinarâh nata tao hualuana kyh liata châ taokheituhpa ei he, Khazohpa bie nata Zisu pahnokheina bie vâta Pâtamô liahpahlô ama tahpa liata y na ta.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.