HMOTAOPAZY 14:16 - Mara Bible RV (BSI)

¹⁶ Hlâno daihtizy liata cha, phopi to âmo lâpi chyu a chhih awpa ta Khazohpa ta pasaih ta.

HMOTAOPAZY 14:16 ပူးပေါင်းရင်းမြစ်များ

HLAZY 147:20

Kheihawhpa phopi chô liata hmahta cha hawhta tao beih vei; Chavâta a ryhpazy pahno veih ei. Abeipa cha reithai teh u!

HLAZY 81:12

Chavâta ama palôh kuhchha awpa ta pasaih na ta, Âmo ryhraona liata sie awpa ei pasai ha ei.

HÔSIA 4:17

Epharai cha nothlahpa nata a zao ha ta, Ano y ta y mawh sy.

MIKÂ 4:5

Phopi to ama khazoh moh chyu ta charei ei ta, Keimo deikua cha, Abeipa eima Khazohpa moh ta, Chhâzaw nata tlyzaw ta eima charei aw.

HMOTAOPAZY 17:30

Pahno leina daihtizy kha cha Khazohpa ta pahno lei â pachâ tyh, tahmâ deikua cha su to liata chyhsa zydua ro awpa ta bie a pie haw.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 3:25

Zisu Krista cha molei reihpha cheina châta a thisaih palo awpa ta Khazohpa ta a raopa châ ta, cha ngiahthaina cha ngiapâna vâta hmô theipa a châ. A nôphana vâta, kha hlâta moleinazy cha, Khazohpa ta pahno lei a pachâ ta, a siana cha a paluahsa haw.

EPHESI 2:12

Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.

1 PITY 4:3

Zenitaizy khopa taopa ta, parâna, aohraohna, paripangana, a hlao ta apatlana, sahma do pahmaohna nata nothlahpa achhyna pasichhihpa zy liata nama vaw tlaih tyhpa kha â daih ha bâ.