HMOTAOPAZY 13:26 - Mara Bible RV (BSI)

²⁶ “Unawh saih u, Abarahâ pathla sawzy saih u, nama hry liata Khazohpa a chipa zydua saih u, he pachhana bie he keimo hnohta paphaopa eima châ.

HMOTAOPAZY 13:26 ပူးပေါင်းရင်းမြစ်များ

2 THÂTIHZYRONA 20:7

Hy eima Khazohpa y, he râh liata a pahrâpazy he, na phopi Izarei hmiakô liata papua chi ta, râh cha na viasa Abarahâ pathlazy hnohta chhâzaw châta na piepa châ vei ma?

HLAZY 105:6

Hy a chakaotuhpa Abarahâ pathla saih u, Hy â tlyhpa Zakaw sawzy saih u, Chazy cha a thei thlâh ha teh u.

ISAI 41:8

Nâ deikua cha, Hy Izarei, Nâ chakaotuhpa na châ; Hy Zakaw, ei tlyhpa châ chi ta, Ei viasapa Abarahâ chipathla na châ.

ISAI 46:13

Ei siana vaw pahniasa hai na ta, A hla khao vei; Ei pachhana chhao, Bohpi châ khao aw vei. Zaio liata pachhana patlôsa aw na ta, Izarei liata ei rônahna ei paysa aw.”

ISAI 48:1

Hy Izarei moh bipa Zakaw pathlazy, Zudâh tizy tawhta vaw pua ei chi ta, Ngâchhihna nata adona ta châ tlôh leipa ta, Abeipa moh ta bie a taihpa ta, Izarei Khazohpa a padotuhpazy saih u, He bie he thei u la;

MATHAI 10:6

Izarei phopi mietaku a leipazy lâta tlao sie teh u.

MATHAI 3:9

‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

LUKA 1:69

A chakaotuhpa Dâvi pathla hry tawhta, Pachhana ki miah a chaluahpa haw.

LUKA 1:77

A chyhsazy moleina a ngiahthaipa ta, Pachhana pahnona pie awpa ta,

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

ZAWHÂNA 6:68

Saimaw Pity ta a chhy ta, “Abeipa, ahy lâ ma eima sie aw, nâ cha chhâzaw hrona bie a hneipa châ chi ta,

HMOTAOPAZY 10:2

Kawnilia cha Khazohpa a pachâpa chyhsa châ ta, a chhôhkha zydua chhao Khazohpa a chipa châ ei ta, chyhsa rietheipazy riapha ngaitapa ta baona a pie tyhpa châ ta, Khazohpa lâ thlah khâ a chhâ tyhpa a châ.

HMOTAOPAZY 10:35

Phopi to hry liata ahy rai ano a chipa nata hmo dopa a taopa maih cha Khazohpa ta â ly khai ei.

HMOTAOPAZY 13:43

Pakhyna a pai nahta, Zuzy nata Khazohpa a pachâpa Zu phohlypa hluhpi ta Pawla nata Bânabâ cha zi ei ta, âmo cha bie a chho ei ta, Khazohpa ngiachhiena liata y thlâh ha awpa ta pasyu ei ta.

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

HMOTAOPAZY 16:17

Cha chanô chata Pawla nata keimo miah zi ta, “He chyhsazy he Chônôchai Khazohpa chakaotuhpazy ama châ, pachhana lâpi ama cha vaw chho hih,” tahpa ta awh ta.

HMOTAOPAZY 22:5

Theihthai beichaipa nata machâ zydua ta ei bie cha eina pahnokhei ei. Âmo tawhta Dâmaskâ liata ama chiheihzy lâta châ ama ropa a phaopa ta, Dâmaskâ liata Lâpi chyhsazy chahry ta, hrie awpa ta Zerusale lâ a vaw chhi awpa ta ei sie.

HMOTAOPAZY 28:28

Chavâta Khazohpa pachhana bie cha Zenitaizy lâta paphaopa a châ haw tahpa pahno teh u. Âmo ta la ama nathlie aw,” tah ta.

HMOTAOPAZY 3:26

Khazohpa ta a chakaotuhpa cha pathyu ta, nama moleinazy tawhta cha paheisaisa ta, byhnâ cha pie awpa ta, nâmo lâta a vaw tuah tuachaipa a châ,” tah ta.

HMOTAOPAZY 4:12

Ahy liata hmah pachhana y vei. Avâ ry liata chyhsa moh bipa hry liata miah pachha thei awpa mohropa rai y veih ei,” tah ta.

HMOTAOPAZY 5:20

“Vawh u la, Achhyna o liata a kei duah u la, he hrona bie zydua he, zawpi hnohta kei chho teh u,” tah ta.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

EPHESI 1:13

Nâmo chhao, nama pachhana thâtihpha biehmeiseihpa thei ei chi ta, namâ ngiapâ ha tawhta cha, ano liana chata bietai Thlahpa Pathaihpa ta pa-ipa nama châ.

KAOLAOSÂ 1:5

vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.