HMOTAOPAZY 13:20 - Mara Bible RV (BSI)

²⁰ Cha taih chata kô 450 a ryu. Cha khai tawhta Khazohpa ta Izarei sawzy cha ryureituhpazy pie tyh ta, Samuela kha ryureituhpa chhâna a châ.

HMOTAOPAZY 13:20 ပူးပေါင်းရင်းမြစ်များ

2 SAMUELA 7:11

Ei phopi Izarei chô liata ryureituhpazy ei raona daihti hawhna khata châ khao aw vei. Na chariah zydua tawhta ei cha pahâsa aw. Cha dei châ vei, Abeipa ta na pathlazy a cha paduapa aw tahpa ta Abeipa ta na hnohta a phuah.

2 ABEIZY 23:22

Izarei chô liata ryureituhpazy ta ryu ama rei daihti rakha tawhna kha ta, Izarei beizy daihti chhôh zydua nata Zudâh beizy daihti chhôh zydua ta, Zawpakhô Kyhchhi he ama vaw chay khao leipa a châ.

1 THÂTIHZYRONA 17:6

Izarei saw zydua hnohta ei pasie laihna su to liata, ei phopi chhihtha awpa ta bie ei piepa Izarei ryureituhpa ahy hnohta tlyma, “Khazia sidy tho ta o eina sapa veih ei chi?” tahpa ta kawh kha chhâ ei vaw reih beih ma?’

HMOTAOPAZY 3:24

Samuela nata a hnôhlâ ta hrohsopa a vaw ypa zydua chhao ta reih khai ei ta, he nohzy kyh he ama vaw phuah haw.

RYUREITUHPAZY 2:16

Chatawhcha Abeipa ta ryureituhpazy padua ta. Ryureituhpazy chata Izarei sawzy cha âmo a hraotuhpazy ku tawhta ama pachha lymâ.

RYUREITUHPAZY 3:10

Abeipa thlahpa a chô liata vaw tlô ta, Izarei chô liata ryureih ta. Ôthane cha adyuhna lâ sie ta, Abeipa ta Mesôpôtamia bei Kusarisathai cha a ku liata pie ta, Kusarisathai cha a pahnie haw.

RUTHI 1:1

Ryureituhpazy ta ryu ama reina daihtizy liata, Izarei râh liata chakâhna vaw tlô ta. Zudâh râh Bethlehe chyhsa pakha cha, a lapinô nata a sawchapaw panopazy chhaota Môabâ râh liata pahrâ chy awpa ta sie ta.

1 SAMUELA 12:11

Chatanachata Abeipa ta Zerubâlâ, Bâraka, Zephathâ nata Samuela zy vaw tuah ta, su to tawhta châ chadôpa nama chariahpazy ku tawhta cha pachha ei ta, â bohpa ta nama y.

1 SAMUELA 3:20

Dânâ tawhta Besebâ taihta Izarei zydua ta Samuela cha Abeipa hrohsopa châta paduapa a châ tahpa pahno ha ei ta.