HMOTAOPAZY 13:14 - Mara Bible RV (BSI)

¹⁴ Pawla nata Bânabâ deikua cha Perkâ tawhta sie lymâ ei ta, Pisidia râh liata Antiôkâ khih tlô ei ta. Pahânoh ta pakhyna ozy liata a ngia ei ta, a tyuh ei ta.

HMOTAOPAZY 13:14 ပူးပေါင်းရင်းမြစ်များ

LUKA 4:16

Zisu cha a laiseihna Nâzari khih tlô ta. A tao tyhpa hawhta, Pahânoh ta pakhyna o liata a ngia ta, Khazohpa bie reih awpa ta a duah ta.

HMOTAOPAZY 13:42

Ama pua nahta, cha biezy cha Pahânoh heihpa liata reih heih awpa ta zawpizy ta a haw ei ta.

HMOTAOPAZY 13:44

Pahânoh heihpa liata, a khihpi rô ta Khazohpa bie nathlie awpa ta a vaw pakhy ei ta.

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

HMOTAOPAZY 13:5

Salâmi khih ama tlô nahta, Zuzy pakhyna ozy liata Khazohpa bie chho ei ta. Zawhâna chhao âmo bao awpa ta a chhi ei ta.

HMOTAOPAZY 14:19

Antiôkâ nata Ikônia tawhta Zuzy vaw tlô ei ta, zawpizy cha pasyu ei ta, Pawla cha alô ta vawh ei ta, a thi hapa ta ama pangiasa vâta khihpi khôtho lâ a daophi ei ta.

HMOTAOPAZY 16:13

Pahânoh ta thokhy chhikao khôtho lâ pua pi ta, chavah kiah liata thlahchhâna su a châ awpa ta eima pangiasapa lâ zu pi ta, a tyuh pi ta, chanô a vy pakhypa sahlaozy hnohta bie reih pi ta.

HMOTAOPAZY 17:2

Pawla cha a taozietyhpa hawhta a pakhy hra ta, Pahânoh ei thôh Biehrai pakhâta ta âmo a laichadaikhei ta.

HMOTAOPAZY 18:4

Pahânoh maihta pakhyna o liata bie reih tyh ta, Zuzy nata Krikâhzy pahnie â chhuah tyh.

HMOTAOPAZY 19:8

Pawla cha pakhyna o liata a ngia tyh ta, thla thôh chhôh riahpha ngaitapa ta bie reih ta, Khazohpa khinarâh kyh liata âmo cha Biehrai a laichadaikheipa ta pahnie a chhuah ta.

HMOTAOPAZY 9:20

Sawla ta Zisu cha Khazohpa Sawchapawpa a châ tahpa pakhyna ozy liata thlai chho ta.

2 TIMAWTHY 3:11

taolana ei tyhpa nata pasa ei taona zydua na pahno. Antiôkâ khih liata zy, Ikônia khih liata zy, Lystâ khih liata zy taolana ei tyhna liata ei taopasana zydua pahno chi ta, cha taolanazy tawhta Abeipa ta eina pachhapa chhao na pahno.