HMOTAOPAZY 12:11 - Mara Bible RV (BSI)

¹¹ Pity cha â vaw thei nahta, “Abeipa ta a vâlyuhchâpa za tuah ta, Herawda ku tawhta nata Zu chyhsazy achhuahna tawhta eina pachha haw, tahpa tahmâ a siapa ta ei pahno haw,” tah ta.

HMOTAOPAZY 12:11 ပူးပေါင်းရင်းမြစ်များ

ÂTHAONA 15:13

Abeipa ta Abarâ hnohta, “Na pathlazy cha maniah râh liata khichhai ta y aw ei ta, kô 400 chhôh riethei taopa ta sei ta ama y aw tahpa a siapa ta pahno mah y.

ÂTHAONA 18:13

Abeipa ta Abarahâ hnohta, “Khazia Sârâ ta pahneih ta, ‘Machâ ha na ta, saw ei sa hmeiseih thei rai aw mâ’ a tah?

ÂTHAONA 26:9

Abimele ta Aisika cha aw ta, “Pachâ teh, na lapinô a châpa kha! Khazia, ‘Ei sietanô na a châ’ na tah?” tah ta. Aisika ta a hnohta, “‘Ano vâta ei thi pathlei aw,’ tahpa ei pachâpa vâta a châ,” tah ta.

2 SAMUELA 22:1

Dâvi cha a chariahpa zydua ku tawhta nata Sawla ku tawhta Abeipa ta a pachha noh ta, he hla biezy he hmâpa ta Abeipa reithai ta:

2 THÂTIHZYRONA 16:9

Abeipa mo cha, ano lâta palôh tlokhuh a paheihpazy thatlôpa ta bao awpa ta, khizaw zydua a tawpâ thlâh ha mâh tâh. Hru kawpa ta hmo tao chi ta, tahmâ tawhta cha, chariah a dyuh awpa khâ na hnei aw,” tah ta.

ZAWBÂ 31:31

Ei poh o liata chyhsazy ta, ‘Zawbâ sa cha lôhrâtlôna taihta eima nie sy,’ ama tah tyh.

ZAWBÂ 5:19

Tymâna miacharu tawhta cha pachha aw ta, Miasarina liata chhiena ta cha hria aw vei.

HLAZY 109:31

Abeipa cha phahlapa chachâh lâta a duah ta, Thi awpa ta thailei a pachâsatuhpazy ku tawhta pachhatuhpa a châ.

HLAZY 33:18

Moh teh u, Abeipa mo cha ano a chituhpazy chô liata khaih ta, A kyhpachâna tleih beih leipa hnabeiseihtuhpazy chô liata a khaih tyh.

HLAZY 33:19

Chatanachata ama hrona cha thina tawhta pachha aw ta, Chakâh daihti liata a pahro aw ei.

HLAZY 34:22

Abeipa ta ano a chakaotuhpazy hrona cha chatlai tyh ta, Ano a chhaituhpazy cha ahy hmah thailei pachâsapa châ aw veih ei.

HLAZY 34:7

Abeipa a chituhpazy cha, A vâlyuhchâpazy ta chadô ei ta; Ama kiapâh liata riehmo paryh ei ta, Âmo cha ama pachha tyh.

HLAZY 41:2

Abeipa ta vaih ta a pahro. Alei liana heta nohlaopa tah ei ta, A chariahpazy khozie ta ano cha hlâ va chi.

HLAZY 97:10

Nâmo, Abeipa kyh a pachâtuhpa zydua saih u, Moleina a hao muh vy; Ano cha a mopathaihpazy hrona pabohsa ta, Hmoparaopazy ku tawhta a pachhatuhpa a châ.

DÂNIAH 3:25

Ano ta ama hnohta, “Moh teh u, chyhsa papalih chahry leipa ta mei hry liata a hlaihlâ ngâpa ei hmô ei, pasana chhao hnei veih ei; a papalihna a lâzie chhochhi cha khazohzy sawchapawpa hawhta a châ,” tah ta.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

DÂNIAH 6:22

Ei Khazohpa ta a vâlyuhchâpa za tuah ta, chakeibarôhneipazy pakah pabieh ta, na pasasa veih ei, seina hnei leipa ta a hmiakô liata a ypa ei châpa vâta. Nâma hmiakô liata chhao, Hy abei y, khâpa hmah parao va na,” tah ta.

LUKA 15:17

 vaw pahno pasia nahta, ‘Ei paw o liata hria hlaopa hluhpi y ei ta, nie tiah lei ama hnei thlâh bao na ta, kei deikua cha nodipa ta he liata ei thi aw hih!

HMOTAOPAZY 12:7

Abeipa vâlyuhchâpa a kiapâh liata a vaw duah ta, patâhna o chhôh cha vaw khaih ta. Pity kâ liata kei chabaih ta, pahra ta, a hnohta, “Thyu para teh,” tah ta. Bâliazy cha a ku tawhta tla ha ta.

HMOTAOPAZY 24:27

Kô no a sie tawhta, Felika cha Pôsia Festâ ta a thla ta. Zuzy hry liata moh pha a khohpa vâta, Felika ta Pawla cha patâhna o liata siesai ta.

HMOTAOPAZY 25:9

Châhrasala Festâ ta Zuzy hry liata moh pha khohpa ta, Pawla hnohta, “Zerusale lâ khy ta, na thâtih he ei hmiakô liata pachia awpa na khoh ma?” tah ta.

HMOTAOPAZY 5:19

Châhrasala zâ ta Abeipa vâlyuhchâpa pakha ta patâhna o ochhizy cha vaw pahy ta, lyuhchâpazy cha papua ta, ama hnohta,

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.