HMOTAOPAZY 11:28 - Mara Bible RV (BSI)

²⁸ Ama hry liata pakha a moh Akabâ ama tahpa a duah ta, Thlahpa pahnosapa ta khizaw zydua liata chakâh mozoh a tlô awpa kyh chhochhielie ta. Cha chakâhna cha Klaudia â bei nota a vaw tlôpa a châ.

HMOTAOPAZY 11:28 ပူးပေါင်းရင်းမြစ်များ

ÂTHAONA 41:38

Phiraoh ta a chakaotuhpazy hnohta, “He hawhta Khazohpa Thlahpa ta a ypâpa chyhsa he eima hmô thei aw mâ?” tah ta.

MATHAI 24:14

He khinarâh thâtihpha he phopi to pahno awpa ta khizaw zydua liata chhopa châ aw ta, cha khai tawhta chhâna cha a vaw tlô aw.

MATHAI 24:7

Phopi nata phopi a dyuh aw ei ta, khinarâh nata khinarâh amâ dyuh aw. Su hluhpi liata chakâhnazy tlô aw ta, alozy â sih aw.

LUKA 2:1

Cha nohzy liata, Kaisarâ Awkâstu ta khizaw zydua maluhpi rei awpa ta biepie ta.

LUKA 3:1

Taibiria Kaisarâ â beina kô hrawh hleipangawhna liata, Pawtia Pilâ cha Zudia râh râhvaotuhpa châ ta, Herawda cha Kâlili bei a châ. A unawhpa Phili cha Ituria nata Tarâkôniti bei châ ta, Lysania cha Abilene bei a châ.

HMOTAOPAZY 18:2

Cha liata Akuilâ ama tahpa Zu chyhsa pakha hmô ta. Cha chyhsa cha Pawntu râh liata a pihpa châ ta, Klaudia ta Zu chyhsa zydua Rawma khih tawhta pua awpa ta bie a piepa vâta, a lapinô Priskilâ nata Itali râh tawhta atlia ta a vaw tlôpa ama châ. Pawla cha âmo a hmô awpa ta vawh ta.

HMOTAOPAZY 21:10

Noh hluhpi châh pi ta, eima châh chhôh ta Zudia râh tawhta hrohsopa pakha, Akabâ ama tahpa a zu ta.