HMOTAOPAZY 11:18 - Mara Bible RV (BSI)

¹⁸ Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 11:18 ပူးပေါင်းရင်းမြစ်များ

ISAI 11:10

Cha noh liata, Zese thari cha phopizy châta ngiana poh hawhta a duah aw ta, râhzy ta a thâtih patluah aw ei ta, â pahâna su cha a rônah ngaita aw.

ISAI 60:21

Na phopi cha ama zydua ta mosiapa châ khai aw ei ta, Râh cha tlyzaw ta ama hnei aw. Palyupalihpa ta ei y thei nawpa ta, Âmo cha chhyh thao awpa ta loh ei na ta, Ei ku raihriazy ama châ.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

EZEKIA 36:26

Palôh thiehpa cha pie aw ei na ta, nama chhôh liata thlahpa thiehpa ei soh aw. Nama pôhpa tawhta palôh châkarupa la aw na ta, palôh naipa ei cha pie aw ei.

EZEKIA 47:22

Râh cha Izarei sawzy ta nama ryuto râh ta a rai aw ei chi ta, nama hry liata chihropa a pahrâpa, nama hry liata saw a hnei hapazy chhao nama rai hra aw. Âmo cha Izarei saw ta a pihpa hawhta châ aw ei ta, Izarei chizy hry liata, nâmo hawhta ryuto râh ama hnei hra awpa a châ.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

MATHAI 9:8

Zawpizy ta cha cha ama hmô nahta, chi ngaita ei ta, chyhsapazy hnohta cha hawhpa biehneina a pietuhpa Khazohpa cha reithai ei ta.

HMOTAOPAZY 11:1

Zudia râh zydua liata lyuhchâpa nata unawh a ypazy ta, Zenitaizy chhao ta Khazohpa bie ama zyh haw tahpa pahno ei ta.

HMOTAOPAZY 14:27

Ama tlô nahta, Awnanopa sahlaozy awpakhy ei ta, Khazohpa ta âmo hmâpa ta hmo a taopa zydua nata Zenitaizy châta ngiapâna ochhi a pahyzie zy chho ei ta.

HMOTAOPAZY 15:3

Awnanopa ta pathlie ei ta, Zenitaizy ama pipathina kyh chho lymâpa ta, Phônisia râh nata Samâri râh chahryh khai ei ta, cha thâtih chata unawh zydua palysa ngaita ta.

HMOTAOPAZY 20:21

Zuzy hnohta chhao, Krikâh mo hnohta chhao, ropa ta Khazohpa lâ a heih ta, eima Beipa Zisu Krista a ngiapâ awpa ta ei cha chho tyh ei.

HMOTAOPAZY 21:20

Cha bie cha unawhzy ta ama thei nahta, Khazohpa palyupalih ei ta. Pawla hnohta, “Unawh, Zuzy hry liata ngiapâtuhpa ama hluhzie na hmô. Ama zydua ta ryhpa châta phahnai a ngiah ngaitapazy ama châ.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

HMOTAOPAZY 3:26

Khazohpa ta a chakaotuhpa cha pathyu ta, nama moleinazy tawhta cha paheisaisa ta, byhnâ cha pie awpa ta, nâmo lâta a vaw tuah tuachaipa a châ,” tah ta.

HMOTAOPAZY 5:31

Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

RAWMA 9:30

Khâpa eima reih khao aw? Siana a chadai leipa Zenitaizy ta ngiapâna ta siana tlao to ei ta,

2 KAWRINI 3:18

Chatanachata keimo hmia khu leipa ta a ypa zydua pi heta Abeipa rônahna cha palâsa pi ta, rônahna tawhta rônah via rilipa ta, Abeipa rônahna lyuna lâta pananopa ta eima y lymâ. Cha cha Abeipa tawhta eima hmôpa châ ta, Abeipa cha Thlahpa a châ.

2 KAWRINI 7:10

Khazohpa liata pachârôhna cha, pachha châ nawpa ta rona tlôkhei ta, angiapachhina y vei. Khizaw pachârôhna deikua cha, thina a tlôkhei tyh.

KALATIA 1:24

Chatanachata keima vâta Khazohpa ama palyupalih thei haw.

ZAWSUA 22:30

Theihthaipa Phinehâ nata a hnohta a siepa zawpi chhituhpa Izarei pho hyutuhpazy ta Rubena pathlazy, Kâdâ pathlazy nata Manase pathlazy bie reipa cha ama thei nahta, a ly kaw ei ta.