HMOTAOPAZY 10:4 - Mara Bible RV (BSI)

⁴ Kawnilia ta ano cha kei moh ta, chi ngaita ta, a hnohta, “Abeipa, khâpa maw?” tah ta. Vâlyuhchâpa ta a hnohta, “Na thlahchhânazy nata na hmopiepazy avâ lâ kiah ta, Khazohpa ta a pahno thlâh haw.

HMOTAOPAZY 10:4 ပူးပေါင်းရင်းမြစ်များ

2 THÂTIHZYRONA 32:24

Cha daihtizy liata, Hezekia cha thi daihmâpa ta pasa ta. Abeipa lâ thlahchhâ ta, Abeipa ta a chhy ta, ngiana pie ta.

2 THÂTIHZYRONA 6:33

na pahrâna su vârâh tawhta vaw nathlie la, chihropa ta a cha hiapa cha taopa mah y. Chatanachata khizaw phopi zydua ta na moh pahno aw ei ta, Izarei sawzy ta eima cha chipa hawhta, âmo chhao ta cha chi aw ei ta, o ei sapa he na moh a phaohpa a châ tahpa ama pahno aw.

HLAZY 141:2

Ei thlahchhâna he, Ropahâhpa hawhta na hmiakô liata châ sala; Ei ku chaluahpa he, Zâlâ atheihna hawhta châ mawh sy!

HLAZY 20:3

Na hmohlâpazy a thei sala, Na raopa hlâna liata a ly mawh sy!

ISAI 43:26

Nâ thei khei la, Pachâ khoh tua ei si; Nâ dozie pasiapa a châ thei nawpa ta, Na thaichâna bie cha reih tua.

ISAI 45:19

Lei zohpa liana heta, Arulâta bie reih beih leipa na ta; Zakaw chipathla hnohta chhao, ‘Hraoleipa ta na tlua teh,’ Tah beih va na. Kei, Abeipa he siana bie reih na ta, Biedopa a phuahpa ei châ.”

DÂNIAH 10:11

Ano ta ei hnohta, “Hy Dâniah, chyhsa pasâhsa a chhih ngaitapa y, na hnohta bie ei rei awpazy he pakhâta ta pachâ mah y; a kaw duah teh, na hnohta tuapa ei châ hih,” tah ta. He bie he ei hnohta a reih khai nahta, a chalyuna chôta a kaw duah na ta.

THEIHTHAINA 2:2

Arawna sawchapaw theihthaipazy lâ a vawkhei aw. Theihthaipa ta viahdie dipa cha a sathaw nata a deiryh zydua chhaota, pazah kha la aw ta, cha cha atheithlâhna hmo a châ aw. Niepa zydua hlâ khaipa a châzie a thei thlâh ha nawpa ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

MALAKHAI 3:16

Chatawhcha Khazohpa a chipazy cha a chhohia raihrie ei ta, Abeipa ta ama biereipazy nathliepa ta thei ta. Chatanachata Abeipa a chipa nata a moh a pasâhsapazy atheithlâhna châbu cha a mohmô liata ropa a châ.

MATHAI 26:13

Hmeiseihta ta ei cha chho ei, khizaw zydua liata he thâtihpha ama chhona su lia maihta, he chanô hmotaopa he ano a thei thlâh ha nawpa ta ama reih lymâ hra aw,” tah ta.

LUKA 1:29

Vâlyuhchâpa bie reipa ta Mâri cha a nô papo kaw ta, kheihawhpa anaohna ma a châ tahpa pachâ ta.

LUKA 24:5

Chanôzy cha chi ngaita ei ta, ama hmia alei lâ a khu ei ta. Chyhsazy chata ama hnohta, “Khazia athihpa hry liata ahrohpa nama tlua?

HMOTAOPAZY 10:31

‘Kawnilia, na thlahchhâna kha theipa châ ta, na hmopiepazy chhao Khazohpa ta â thei.

HMOTAOPAZY 14:9

Cha chyhsa chata Pawla bie reipa cha nathlie ta. Pawla ta ano cha a phapa ta moh ta, tlâh nawpa ta ngiapâna a hneipa pahno ta.

HMOTAOPAZY 22:10

Kei ta, ‘Abeipa, khâpa ei tao aw?’ tah na ta. Abeipa ta ei hnohta, ‘Thyu la, Dâmaskâ khihpi liata a ngia teh. Cha liata na tao awpa ta raopa hmo zydua ama cha chho aw,’ tah ta.

HMOTAOPAZY 3:4

Pity ta ano cha moh ta, Zawhâna chhao ta moh hra ta, Pity ta, “Miah vaw moh tua,” tah ta.

PHILIPI 4:18

Châhrasala ato hnei na ta, ei hnei hluh ngaita. Epâpharôditâ ku liata hmosaipiepazy eina vaw paphaopa ei chi kha vaw hmô na ta, ei dôkhâ haw. Nama hmosaipiepazy kha atheihna a pyh tlâhpa nata Khazohpa a palysapa, ropahâhpa hmohlâpa a châ.

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.

HEBRAI 13:16

Hmo pha tao my leipa u la, nama hneipazy a chhaih awpa my khuh vy. Cha hawhpa atheihnazy ta Khazohpa a palysa.

HEBRAI 6:10

Nama raihria tyhpa nata a moh vâta kyhpachâna palâsapa ta mopathaihpazy nama chakao tyhpa, tahmâ taihta nama taopa he, mopakhô awpa ta Khazohpa cha adoleipa châ vei.

BIEPHUAH 8:4

Ropahâhpa khuh cha mopathaihpazy thlahchhâna chhaota, vâlyuhchâpa ku tawhta Khazohpa hmiakô lâ khy ta.

1 SAMUELA 3:10

Abeipa cha a vy ta, a vaw duah ta, a aw tua notapa hawhna khata, “Samuela, Samuela!” tahpa ta aw heih ta. Samuela ta, “Reih mah y, châ chakaotuhpa ta a nathlie na,” tah ta.