Châhrasala âmo ta, “Kâlili râh tawhta pathaopa ta, he su taihta, Zudia râh su to liata pachupa ta chyhsazy a patypamâ lymâ,” tahpa ta leih via rili ei ta.
Zawhâna ta bâti a pachâsana daihti tawhta Abeipa Zisu vârâh lâ a chhipa ta a y noh taihta eima hry liata a y lymâpa, chazy hry liata chyhsa pakha cha, a thyuheihna miah pahnokheituhpa châta a y awpa a châ,” tah ta.
Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.
Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.
“Nâmo Izarei sawzy saih u, he biezy he thei teh u: Nâzari Zisu, Khazohpa ta ano hmâpa ta nama hry liata hmo rônahpazy, hmonoâhpazy nata ngianazy a taopa kha, Khazohpa ta â pyhpa chyhsa a châ tahpa nâmo tlai ta nama pahno.
He bie he abei ta a pahno. Chavâta ano hnohta cha riahphapa ta ei reipa a châ. He hmozy he a chaki chakô liata taopa châ veih ei. Chavâta a abei pahno lei awpa ta phihpa y tlâ vei, tahpa a siapa ta ei pahno.