HMOTAOPAZY 10:33 - Mara Bible RV (BSI)

³³ Chavâta thlai cha vaw padysa na ta, zawh a ngiah chi ta, nâ vy theipa he a lypa a châ kaw na. Abeipa ta bie a cha piepa zydua cha nathlie awpa ta, eima zydua heta Khazohpa hmiakô liata tahmâ eimâ vaw hmaoh,” tah ta.

HMOTAOPAZY 10:33 ပူးပေါင်းရင်းမြစ်များ

2 THÂTIHZYRONA 30:12

Abei nata beimachâzy ta Abeipa bie hawhta bie ama piepa cha tao awpa ta, Khazohpa ku cha Zudâh chô liata y ta, Zudâh pathlazy cha palôh miakha paphaosa ta.

BIESOZY 1:5

Asopazy ta theipa ta ama pahnona a pôh via nawpa ta, Novâhpazy ta pasopakâna bie ama dao thei nawpa ta,

BIESOZY 18:15

Palôh sopa cha pahnona hmô ta, Asopa nakhaoh chhao pahnona a tlua tyh.

BIESOZY 25:12

Ngôh rahy nata ngôh suapa atobina kho â chhihpa hawhta, Chyhsa sopa chhoreina chhao, Reingiahpa nakhaoh liata kho â chhih.

MATHAI 18:4

He hawti hawhta areisipa cha vârâh khinarâh liata a rônah chai aw.

MATHAI 19:30

Châhrasala hmiatuapa hluhpizy cha hnôhchaipa châ aw ei ta, hnôhchaipazy cha hmiatuapa ama châ aw.

MÂKA 10:15

Hmeiseihta ta ei cha chho ei, Khazohpa khinarâh cha, hawti a lypa hawhta a ly leipa maihta a ngia cheita aw veih ei,” tah ta.

HMOTAOPAZY 10:32

Chavâta Zôpâ khih lâ chyhsa tuah la, Saimaw Pity ama tahpa kei padysa mah y. Ano cha tilaipi kiah liata savo taotuhpa Saimaw o liata a tlô,’ tah ta.

HMOTAOPAZY 10:34

Pity cha bie reih ta, “Khazohpa ta chyhsa khokhei eihpa a hnei leizie a siapa ta ei pahno haw.

HMOTAOPAZY 28:28

Chavâta Khazohpa pachhana bie cha Zenitaizy lâta paphaopa a châ haw tahpa pahno teh u. Âmo ta la ama nathlie aw,” tah ta.

1 KAWRINI 3:18

Ahy hmahta anosasyh ta a dôvei khah sy. Nama hry liata ahy rai, he chhâ liata a so kawpa hawhta â pachâ khiahta cha, a vaw so thei nawpa ta ahrupa lâta a lie mawh sy.

KALATIA 4:14

Ei duahmo kha nâmo châta tymâna châ hra sala, na mohnao leipa ei chi ta, na pasi hra veih ei chi. Khazohpa vâlyuhchâpa hawhta tlao nâ ly ei chi ta, Krista Zisu hawh tlai ta einâ ly ei chi.

RYHPACHANEINA 30:13

‘A biepiepa cha thei sih la, eima zyh thei nawpa ta, ahy tilaipi khô lâ sie aw ta, miah a lapa aw?’ tah awpa ta, biepiepa cha tilaipi khô lâta a ypa châ hra vei.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.

ZÂMIE 1:21

Chavâta apuapa zydua nata moleina to pahlei khai u la, nama thlahpa a pachha theipa, bie chi tupa cha a reisi ngaitapa ta a pyh muh vy.