HMOTAOPAZY 1:8 - Mara Bible RV (BSI)

⁸ Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

HMOTAOPAZY 1:8 ပူးပေါင်းရင်းမြစ်များ

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

HLAZY 98:3

A kyhpachâna tleih beih leipa nata a ngâchhihna cha, Izarei phopi châta a thei thlâh ha ta; Eima Khazohpa pachhana cha, Khizaw kaokih zydua ta ama hmô haw.

ISAI 42:10

Nâmo, tilaipi lâ zu ei chi ta, Cha liata a ypa zydua saih u, Nâmo, tilaipi kiah râhzy nata a chyhsazy saih u, Abeipa lâ hla thiehpa sa u la, A reithaina hla alei chhâna tawhta sa teh u.

ISAI 49:6

“Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ISAI 66:19

Ama hry liata ngiana soh aw na ta, ahrohpazy cha âmo tawhta râhzy lâta tuah aw ei na ta, libaw a chabapa Tâsi, Puli nata Ludi lâzy tuah aw ei na ta, tilaipi kiah râh hlapi liata a ypa, ei mohpathâhna a thei beih leipa nata ei rônahna a hmô beih leipa Tubâ nata Zavâ mozy lâ ei tuah aw ei. Chatanachata râhzy liata ei rônahna ama phuah aw.

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

MIKÂ 3:8

Kei deikua cha Zakaw hnohta a paraona phuah ta, Izarei hnohta a moleina phuah nawpa ta, Hmotaotheina ta ei bie; Abeipa Thlahpa ta bie na ta, Adona nata thatlôna ta ei bie.

ZEKARIA 4:6

Ano ei hnohta: “He he Zerubâbe châta Abeipa bie a châ: ‘Thatlôna vâta châ leipa ta, biehneina vâta châ hra leipa ta, ei Thlahpa ta tlao châ mawh sy,’ Pheisaihzy Abeipa ta a tah.

MATHAI 24:14

He khinarâh thâtihpha he phopi to pahno awpa ta khizaw zydua liata chhopa châ aw ta, cha khai tawhta chhâna cha a vaw tlô aw.

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

MÂKA 16:15

Ama hnohta, “Khizaw zydua liata sie u la, hmotaopa zydua hnohta thâtihpha chho teh u.

LUKA 1:35

Vâlyuhchâpa ta a hnohta, “Thlahpa Pathaihpa na chô liata vaw tlô aw ta, Chônôchaipa hmotaotheina ta a cha khu aw. Chavâta hawti pathaihpa a vaw pih awpa cha, Khazohpa Sawchapawpa bipa a châ aw.

LUKA 10:19

Pachâ teh u, parihzy nata râh cha-iazy tlybai theina nata khakhaipa hmotaotheina zydua chô liata biehneina ei cha pie ei. Khâpa ta hmah cha pasasa aw veih ei.

LUKA 24:29

Châhrasala thlyu ei ta, “Eima o liata tlô mah y, zâlâ ha ta, noh chhao a tla daihmâ ha hih,” tah ei ta. Chatanachata ama o liata tlô awpa ta a ngia ta.

ZAWHÂNA 15:27

Nâmo chhao, âthaona tawhta ei hnohta a ypa nama châpa vâta, nâ pahnokheituhpa nama châ aw.

HMOTAOPAZY 1:22

Zawhâna ta bâti a pachâsana daihti tawhta Abeipa Zisu vârâh lâ a chhipa ta a y noh taihta eima hry liata a y lymâpa, chazy hry liata chyhsa pakha cha, a thyuheihna miah pahnokheituhpa châta a y awpa a châ,” tah ta.

HMOTAOPAZY 1:5

Zawhâna kha ti ta bâti pachâsa ta, bohpi leipa ta Thlahpa Pathaihpa ta bâti pachâsapa nama châ aw,” tah ta.

HMOTAOPAZY 13:31

Kâlili râh tawhta Zerusale lâ a hnohta a khy hrapazy hnohta noh hluhpi chhôh a luah ta, tahmâ âmo cha Izare phopi lâta a bie a pahnokheituhpazy ama châ.

HMOTAOPAZY 2:32

Cha Zisu cha Khazohpa ta pathyu ta, keimo zydua he a pahnotuhpa eima châ.

HMOTAOPAZY 22:15

Na hmôpa nata na theipazy kha, chyhsa zydua hnohta pahnokheituhpa na châ aw.

HMOTAOPAZY 3:15

Hrona pietuhpa cha thie ei chi ta, châhrasala Khazohpa ta ano cha athihpa hry tawhta a pathyu haw. Cha cha a pahnotuhpazy eima châ.

HMOTAOPAZY 4:33

Lyuhchâpazy ta hmotaotheina thata hneipa ta, Abeipa Zisu thyuheihna kyh a châhkhei lymâ ei ta, ama zydua chô liata ngiachhiena thata y ta.

HMOTAOPAZY 5:32

Keimo he cha hmozy a pahnotuhpa châ pi ta, a bie a zyhpazy hnohta Khazohpa ta a piepa Thlahpa Pathaihpa chhao ta a pahno hra,” tahpa ta a chhy ei ta.

HMOTAOPAZY 6:8

Stiphana cha ngiachhiena nata hmotaotheina ta bie ta, chyhsazy hry liata ngiana nata hmonoâhpa rônah ngaitapazy tao lymâ ta.

HMOTAOPAZY 8:1

Sawla chhao ta Stiphana ama thie awpa cha paryhsa ta. Cha noh tawhta, Zerusale liata Awnanopa cha taolana thata a tyh pathao ta. Lyuhchâpazy dei leipa cha, Zudia nata Samâri râhzy lâta paipatla khai ha ei ta.

RAWMA 10:18

Cha khiahta la, thei ha veih ei ma? tahpa ta hiahrina tao aw sah la, thei cha ama thei haw. “Ama pyu râh to liata pathâh ta, Ama bie kaokih taihta a pathâh,” tahpa ta ropa a châ.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.