HMOTAOPAZY 1:26 - Mara Bible RV (BSI)

²⁶ Chatawhcha nuby a dao ei ta, nuby cha Mâthia chô liata tlu ta. Chatanachata ano cha lyuhchâpa pahrawh hleikhazy hry liata pahlaopa a châ.

HMOTAOPAZY 1:26 ပူးပေါင်းရင်းမြစ်များ

1 THÂTIHZYRONA 24:5

Eliaza pathlazy nata Ithamâ pathlazy liata hyutuhpazy cha, hyutuhpa pathaihpa nata Khazohpa hyutuhpazy ama châ khaipa vâta, ama chakaona rai hria awpazy cha, nuby a daopa ta, â lyupa ta pachhaihpa a châ.

NEHEMIAH 10:34

Keimo, theihthaipazy, Livai pathlazy nata zawpizy ta tho hlâ awpa ta nuby a dao pi ta. Ryhpa liata ropa hawhta, Abeipa eima Khazohpa maisâh liata ti awpa ta, thozy cha kô chareih daihti raopa liata, a chhôh chhôh ta eima Khazohpa o lâ eima vaw chei lymâ aw.

NEHEMIAH 11:1

Izarei phopi chhituhpazy cha Zerusale liata pahrâ ei ta. Ahropazy deikua cha, nuby a dao ei ta, pahrawh liata pakha khihpi pathaihpa Zerusale liata pahrâ ei ta, pahrawh liata pachaki cha khih hropazy liata pahrâsapa ama châ.

BIESOZY 16:22

Novâhna cha a hneituhpa châta hrona tihnawh châ ta, Hruna deikua cha ahrupazy châta hriena a châ.

BIESOZY 16:33

Nuby cha byhpi chô liata a daopa châ ta, Biechhâna deikua cha Abeipa tawhta a châ tyh.

THEIHTHAINA 16:8

Arawna ta mie pô no chhichâ nawpa cha nuby a daopa ta â tlyh aw. Nuby miakhapa liata ‘Abeipa châta’ tahpa roh aw ta, nuby hropa liata ‘Azaze châta’ tahpa a roh aw.

ZAWNA 1:7

Balyh puhpazy a chhohia ei ta, “A vy teh u, he hmo pha leipa eima chô liata a tlôpa he ahy vâta ma tahpa eima pahno thei nawpa ta nuby a dao ei suh u,” tah ei ta. Nuby a dao ei ta, Zawna chô liata tlu ta.

MÂKA 6:30

Lyuhchâpazy Zisu lâ vaw kua ei ta, ama hmotaopa nata pachupa kyh zydua Zisu chho ei ta.

HMOTAOPAZY 1:23

Chyhsa pano, Bâsabâ ama tahpa Zawsi, a moh hropa ta Zustâ ama tahpa nata Mâthia chaluah ei ta.

HMOTAOPAZY 13:19

Kâna râh liata phopi mia sari a panawh khai tawhta, Kâna mo râh cha ama ryuto râh châta a pie ei.

HMOTAOPAZY 2:14

Pity cha pahrawh hleikhazy nata hmaohkha ta a duah ei ta, ao paro ngaitapa ta ama hnohta bie reih ta, “Nâmo, Zudia mo nata Zerusale liata a pahrâpa zydua saih u, hezy he pahno u la, ei biezy he nathlie teh u.

ZAWSUA 14:2

Abeipa ta Mawsi hmâpa ta bie a piepa hawhta, chi chaki nata khophie to awpa râhzy cha nuby a daopa ta raipa a châ.

ZAWSUA 18:10

Zawsua ta Silô khihpi liana chata Abeipa hmiakô liata âmo châta nuby a dao ta. Cha liata Zawsua ta Izarei sawzy cha ama chi apachhaihna yzie hawhta râh cha rai ta.

BIEPHUAH 21:14

Khihpi thokhy cha lôbô miahrawh hleino hnei ta, chazy liata Mietakutaw lyuhchâpa pahrawh hleino mohzy a choh ta.