HMOTAOPAZY 1:16 - Mara Bible RV (BSI)

¹⁶ Pity ta, “Unawh saih u, Thlahpa Pathaihpa ta Dâvi pakah ta Zisu patutuhpazy lâpi a chhotuhpa Zudâh kyh a vaw rei chhieliepa Biehrai bie kha, a vaw tlô awpa rai a châ.

HMOTAOPAZY 1:16 ပူးပေါင်းရင်းမြစ်များ

2 SAMUELA 23:2

“Abeipa Thlahpa ta keima hmâpa ta reih ta, A bie cha ei paleih liata a y.

2 ABEIZY 15:12

Abeipa ta Zehu hnohta, “Izarei beidyuchhai liata na sawchapawzy chhâ palihna taih amâ tyuh aw,” tahpa ta bie a taih ta. A bietai hawhta a vaw tlôpa a châ.

HLAZY 41:9

Viasa lôhkhy ei ngâpa, Ei pati a niepa taihta, A phei eina thuah thlu.

MATHAI 26:14

Cha khai tawhta pahrawh hleino hry liata pakha, Zudâh Iskari ama tahpa cha, theihthai beizy lâ vawh ta,

MATHAI 26:47

A rei hai nota, pahrawh hleino hry liata pakha, Zudâh cha a vy ta, zawpi hluhpi chhao zaozi nata thothuzy a chabapa ta a hnohta a vy ei ta. Theihthai beizy nata khitlâh machâzy taihta a hlao ei ta.

MATHAI 26:54

Châhrasala cha hawhta tao aw sah la, he hawhta vaw châ awpa ta Biehrai ta a reipa kheihta â ki thei aw?” tah ta.

MATHAI 26:56

Châhrasala hrohsopazy ropa Biehrai â ki thei nawpa ta, he hmo zydua he a vaw tlôpa a châ,” tah ta. Cha khai tawhta, pachupa zydua ta ano cha siesaipa ta a râ khai ha ei ta.

MÂKA 12:36

“‘Abeipa ta ei Beipa hnohta, Na chariahpazy na phei ry liata ei so khai hlâlei cha, Ei chachâh lâta a tyuh mah y,’ a tahpa kha.

MÂKA 14:43

Bie a rei hai no tlai ta, pahrawh hleino hry liata a hlao hrapa Zudâh cha vaw tlô pâ ha ta. A hnohta theihthai beizy nata ryhpa pachutuhpazy nata machâzy nata zawpizy cha zaozi nata thothu a cheipa ta vaw tlô hra ei ta.

LUKA 22:47

Bie a rei hai nota, zawpi a vy ei ta, pahrawh hleinozy hry liata a hlaopa Zudâh ama tahpa cha hmia a vaw sah ta. A pahnâ a chhuahpa ta Zisu cha pangai ta.

ZAWHÂNA 10:35

Khazohpa bie vaw tlôna chyhsazy hmahta khazohzy a tah khiahta cha, Biehrai bie cha parao thei awpa châ vei.

ZAWHÂNA 13:18

Nama zydua kyh reih va na. Ei tlyhpazy cha ei pahno ei. Châhrasala, ‘Ei viahchhâ a niepa ta a phei chakoh eina hy thlu,’ tahpa Biehrai kha a vaw tlô aw.

ZAWHÂNA 17:12

Nâ ta eina piepazy chi he, ama hnohta ei y chhôh ta na moh ta ei hrôbieh ei. Âmo cha vaih na ta, Biehrai bie pakisa nawpa ta leidia sawchapawpa dei leipa khata cha, ama hry liata pakha hmah leidia veih ei.

ZAWHÂNA 19:36

Biehrai ta, “A ru miakha hmah thliepa châ aw vei,” tahpa ta a reipa kha â ki thei nawpa ta, cha hmozy cha a vaw tlôpa a châ.

HMOTAOPAZY 1:20

Hlazy Châbu liata chhao, “‘A pahrâna roryhrapa ta y sala, A chhôh liata a pahrâpa y leipa ei sala, Hyutuhpa a châna cha mohropa ta to mawh sy,’ tahpa ta ropa a châ.

HMOTAOPAZY 13:15

Ryhpa châbu nata hrohsopazy châbu tawhta ama rei khai nahta, pakhyna o hyutuhpazy ta âmo lâ chyhsa tuah ei ta, “Unawh saih u, zawpi châta pasyuna bie nama hnei khiahta cha, reih teh u,” tah ei ta.

HMOTAOPAZY 13:38

Chavâta unawh saih u, he hmo he pahno teh u, cha chyhsa vâta moleinazy ngiahthaina kyh nama hnohta phuahpa a châ hih.

HMOTAOPAZY 15:13

Âmo ama rei khai nahta, Zâmie ta reih ta, “Unawh saih u, ei bie nathlie teh u.

HMOTAOPAZY 15:7

Thata amâ ei tawhta, Pity a duah ta ama hnohta, “Unawh saih u, Zenitaizy ta keima pakah tawhta thâtihpha bie theipa ta a ngiapâ awpa ta, daihti hmiatuapa liana khata Khazohpa ta nâmo hry liata kei he eina raozie kha nama pahno.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

HMOTAOPAZY 2:37

Cha biezy cha ama thei nahta, ama palôh chhô ha ta, Pity nata lyuhchâ hropazy hnohta, “Unawh saih u, khâpa eima tao aw,” tah ei ta.

HMOTAOPAZY 22:1

Pawla ta, “Unawhzy nata pawzy saih u, tahmâ nama hnohta ei thaichâna bie ei rei awpa he nathlie teh u,” tah ta.

HMOTAOPAZY 23:1

Pawla ta ryureituhpazy cha a mo tawpâ ta, ama hnohta, “Unawh saih u, chhie nata pha pahnona hmâpa ta, tanoh taihta Khazohpa mohmô ta a phapa ta ei hroh lymâ,” tah ta.

HMOTAOPAZY 23:6

Pawla ta thokha Saduasizy châ ei ta, thokha Phârisaihzy ama châpa a pahno nahta, ryureituhpazy hnohta, “Unawh saih u, kei he Phârisaih châ na ta, Phârisaih sawchapawpa ei châ. Athihpa thyuheihna hnabeiseihna kyh vâta ryureina hmiakô liata a duahpa ei châ hih?” tah ta.

HMOTAOPAZY 28:17

Noh thôh a châ tawhta, Pawla ta Zu chyhsa hyutuhpazy awpakhy ta, amâ vypakhy nahta, ama hnohta, “Unawh saih u, eima phopi nata miah pathlatuhpazy phoryhpa chakhiapa ta khâpa hmo hmah ei tao leina chôta na patâh ei ta, Zerusale tawhta Rawma mo ku liata hlâpa ei châ.

HMOTAOPAZY 28:25

Ama bie a hmô thai khao leipa ta, Pawla ta bie miakha a rei khai nahta, ama pua haw. Pawla ta, “Thlahpa Pathaihpa ta hrohsopa Isai pakah ta châ pathlatuhpazy hnohta,

HMOTAOPAZY 7:2

Stiphana ta, “Unawhzy nata pawzy saih u, na nathlie teh u. Miah pathlatuhpa Abarahâ kha Harânâ khih liata a y hlâ, Mesôpôtamia râh liata a y nona khata, rônahna Khazohpa ano lâ a vaw luah ta,

1 PITY 1:11

âmo liata a ypa Krista Thlahpa ta Krista pasa tao awpa nata cha khai tawhta palyupalihna a vaw pazi awpazy kyh ama rei chhielie nona khata, khati ta ma vaw tlô aw ta, kheihawh ta a vaw tlô awpa ma a châ tahpa zy amâ laichadai tyh.

2 PITY 1:21

Hrohsona bie kheihawhpa rai, chyhsapa pachâna tawhta a puapa châ leipa ta, Khazohpa tawhta a puapa bie cha, chyhsazy ta Thlahpa Pathaihpa chhihthapa ta ama reih tyhpa tlao a châ.

2 PITY 2:21

Siana lâpi pahno ha tlôh ta, ama hnohta biepiepa pathaihpa pavaosapa a heihsai heihpa hlâta cha, siana lâpi pahno leipa ta vaw y lâlao ei sala ama châta a pha via awpa tlai.