HMOTAOPAZY 1:10 - Mara Bible RV (BSI)

¹⁰ Vârâh lâ a kiapa ama mo thlâh ha nota, chyhsa pano poh diehpa a bupa ta ama kiapâh liata a vaw duah ei ta.

HMOTAOPAZY 1:10 ပူးပေါင်းရင်းမြစ်များ

2 ABEIZY 2:10

Elaizâh ta, “Hmo ru ngaitapa dia na hia! Chatatlyh, ru hra sala nâ tawhta lapa ta ei y nota eina hmô khiah chi ta la, to aw chi ta, eina hmô vei khiah chi ta deikua cha, to aw va chi,” tah ta.

DÂNIAH 7:9

“Ei moh thlâh ha nota, Beidyuchhaizy vaw patyu ei ta, Hlôthlâhpa cha a dyuchhai liata a vaw tyuh ta; A chysia dâhaw hawhta ngyuh ta, A luh sâ chhao sahmi naipa hawhta a châ. A beidyuchhai cha meipaleih châ ta, A tiakizy chhao mei kâ ngâpa a châ.

MATHAI 17:2

Ama hmiakô liata a hmia a vaw nano ha ta, a hmia cha noh hawhta khaih ta, a chysiazy chhao khaihpa hawhta vaw dieh ta.

MATHAI 28:3

A hmiaphao cha dôhla pathliepa hawhta châ ta, a chysia cha dâhaw hawhta dieh ta.

MÂKA 16:5

Thlâ chhôh lâ a ngia ei ta, satlia pakha poh diehpa a bupa ta, a ri aziana chachâh lâta a tyuhpa hmô ei ta, ama noâh ngaita ta.

LUKA 24:4

Zisu ri a y khao leipa vâta nôpo kawpa ta ama y hai nota, poh diehpa a bupa chyhsa pano ama kiapâh liata a vaw duah ei ta.

ZAWHÂNA 20:12

Vâlyuhchâpa pano poh diehpa a bupa ta, Zisu ri paziana su liata, pakha a luh lâta, pakha a phei lâta amâ tyuh thlâh hapa za hmô ta.

HMOTAOPAZY 10:3

Zâlâ dawh thôh rachhôhpa liata, aluahna sia ngaitapa hmô ta. Khazohpa vâlyuhchâpa a o liata a vaw ngia ta, “Kawnilia,” vaw tah ta.

HMOTAOPAZY 10:30

Kawnilia ta, “Noh palih a khô hapa liana khata, tahmâ daihti hawhpa taih he thlahchhâpa ta y na ta, zâlâ dawh thôhpa ta ei o liata thlah ei chhâ hai nota, chyhsa pakha poh diehpa a bupa ta ei hmiakô liata a vaw duah ta,

BIEPHUAH 3:4

Châhrasala Sadisâ liata chyhsa chyhta ama y chy. Âmo cha ama poh a papuapalei leipazy châ ei ta, poh diehpa a bupa ta ei hnohta ama charei aw. Cha hawhta a y thei awpazy tlai ama châ.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.