HLAZY HLA 8:6 - Mara Bible RV (BSI)

⁶ Na chachôhna liata chahnaona hawhta na soh la, Na ku liata chahnaona hawhta nâ ky mah y; Kyhpachâna cha thina tlu ta a thatlô ta, Hiatliana cha Athihkhih tlu ta â hrâh. Kyhpachâna cha meipaleih hawhta a duah ta, Meipaleih thatlô ngaitapa hawhta a duahpa a châ.

HLAZY HLA 8:6 ပူးပေါင်းရင်းမြစ်များ

1 THÂTIHZYRONA 11:18

Pasaipha pathôhzy ta Philistinâ pheisaihzy riehmo siepahliepa ta, thokhy chhikao kiapâh liata Bethlehe tikhaoh ti cha kei thaih ei ta, Dâvi lâ vaw cheih ei ta. Châhrasala doh ngâh khao leipa ta. Abeipa châta tlao patlai ta,

HLAZY 120:4

Pasaipha châtai pazaopa ta cha hrie aw ta, Ôphi tho meihei kâ ngâpa ta a cha hrie aw.

HLAZY 63:1

Hy Khazohpa, nâ cha ei Khazohpa châ chi ta, Hmeiseihta ta ei cha tlua; Ti y leina râh raohpa nata riethei thachhâna râh liata, Nâma vâpa ta ei hro dâhphi ta, Nâma vâpa ta ei sapa a panao.

HLAZY 84:2

Ei hro ta Abeipa dôhpachhôh tlyhmiazy vâ ngaita ta, A panao khai haw; Ei palôh nata ei sapa zy ta, Kha­zohpa hrohpa lâ alyna hla ama sa.

PUASAINA 28:21

Lôsôhpa miahrawh hleino y aw ta, chazy cha Izarei saw pahrawh hleinozy moh lymâ hawhta ama moh bipa a châ aw. Lôsôhpa miahrawh hleinozy cha moh chahnaona hawhta tao chyu awpa châ ta, lôsôhpa miakha chô liata Izarei chi hrawh hleino hry liata chi kha moh pachohsa lymâpa a châ aw.

BIESOZY 25:22

A luh chô liata meihei iapa a pathlupa châ aw chi ta, Abeipa ta lymâ a cha pie aw.

BIESOZY 6:34

Chanô vahpa cha hiatliana vâta a hie thata hâ aw ta, Phuh a lana noh liata ngiachhiena hnei aw vei.

HLAZY HLA 5:8

Hy Zerusale zuahzy saih u, Bie ei cha pataihsa ei; Ei lôhdupaw kha nama hmô khiahta cha, Vâiana vâta na a pasa tahpa na vaw chhopa muh vy.

ISAI 49:16

Nathlie teh, ei kupazahzy liata cha roh ha na ta, Na thokhyzy ei hmiakô liata khâ ama y.

ZEREMIAH 22:24

“Ei hrona reipa ta ei reih,” Abeipa ta a tah. “Zudâh bei Kôniah, Zehôki sawchapawpa cha ei ku chachâh lâta chahnaona kusadi châ hra la, cha pahluh aw na ta,

HÂKAI 2:23

Hy Siati sawchapawpa, nâ chakaotuhpa Zerubâbe y, cha noh liata cha la aw na ta, ei tlypa na châpa vâta, chahnaona kusadi hawhta ei cha tao aw,’ Pheisaihzy Abeipa ta a tah,” tah ta.

ZEKARIA 3:9

Zawsua hmiakô liata alô ei sopa he a phapa ta ngia teh u, mokhaoh miasari a hneipa alô a châ. A chô liata bie roh aw na ta, he râh moleinazy he noh kha chhôh ta ei pahlei khai aw.

MALUHREINA 25:11

“Theihthaipa Arawna sawchapawpa Eliaza sawchapawpa Phinehâ ta Izarei chô liata ei hiehâhna a papai haw. Ama chô liata ei hiatliana liata ano chhao a hia eina tliakhei hrapa vâta, ei hiatliana ta Izarei sawzy cha pahleipadia khao aw va na.

MALUHREINA 5:14

châhrasala a vahpa ta hiatliana palôh hneipa ta, a lapinô cha â papuapalei hapa vâ tlai ta a ngâ khao leipa châ sala tlyma, â papuapalei leipa chhao ta, hiatliana palôh vâta a lapinô cha a ngâ khao leipa khiahta cha,

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

HMOTAOPAZY 21:13

Châhrasala Pawla ta, “Khazia cha ei chi ta, ei ngia eina pachhie ei chi? Abeipa Zisu moh vâta Zerusale liata patâhpa ta ei y awpa a mâ chiehpa ta ei ypa dei châ leipa ta, thi chhao ei mâ thlâh haw,” tah ta.

RAWMA 12:20

Chavâta, “Na chariahpa a nodi khiahta cha, nie awpa pie la, a dâhphi khiahta cha, do awpa pie mah y. Cha hawhta na tao khiahta cha, a luh chô liata meiia beih na khaihpa a châ aw.”

2 KAWRINI 11:2

Vahpa pakha, Krista tlai cha, châ pahawhpa ei na ta, ano châta laihsa kôpa pathaihpa châ awpa ta a hnohta ei hlâ hapa nama châpa vâta, Khazohpa hiatliana ta ei hia ei cha tlia ei.

RYHPACHANEINA 32:21

Khazoh a châ leipa ta ei hia na patliasa ei ta, Ama nothlahpazy ta ei hie eina pahâh ei. Chavâta phopi ta rei khi a tloh leipa chô liata Ama hia patliasa aw na ta, Râh hrupa hmâpa ta ama hie ei pahâh aw.

2 TIMAWTHY 2:19

Châhrasala, “Abeipa ta ano eihzy a pahno,” tahpa nata “Abeipa moh a padopa maih moleina siesai mawh sy,” tahpa ta chahnao pa-ipa ta, Khazohpa lôbô a ipa cha â duah thlâh haw.

BIEPHUAH 12:11

Mietakutaw thisaih nata ama pahnokheina bie vâta ano cha ama pahnie haw. Ama hrona kyh chhao pachâ thei khao leipa ta thina taihta a dyuhpazy ama châ.