HLAZY HLA 8:1 - Mara Bible RV (BSI)

¹ Aw, ei rilâhpa hawhta châ la, Ei nô sâhpi a pazypa châ la ei tah kaw dia! Khôtho liata cha hmô aw sah la, Cha pahnâ aw na ta, Ahy hmahta eina reipachhie lei awpa ei tlai.

HLAZY HLA 8:1 ပူးပေါင်းရင်းမြစ်များ

HLAZY 2:12

Sawchapawpa cha pahnâ teh u, Chataleipatala a hiehâh aw ta, Lâpi liata nama leidia pathlei aw na, A pathi thlai ia tyh tlôh ta. Abeipa a chhaipa zydua cha ama nohlao na.

HLAZY 51:17

Khazohpa khopa atheihnazy cha palôh keichheihpa châ ta, Hy Khazohpa, palôh keichheihpa nata ropa cha dytha aw va chi.

HLAZY HLA 1:2

Ei lôhdupaw ta na sy sala, A hmao ta na sy mawh sy! Na kyhpachâna cha kresawhti hlâta pha via ta,

HLAZY HLA 7:13

Hy ei lôhdupaw y, Khoiahzy ta ropahâhpa papua ei ta, Eima ochhizy kiah liata theilâ pahâhpa to y ta, Theilâ thiehpa nata theilâ hlôpazy, Nâma châta ei cha sopa thlâh ha lah y.

HLAZY HLA 8:2

Châ chhi aw na ta, Nâ pachu tyhpa Ei nô o liata ei châ ngiakhei ha awpa tlai. Kresawhti ropahâhpa cha padosa aw na ta, Ei pawmikarânâ thei ti ei cha padosa awpa tlai.

ISAI 60:14

Pasa châ pataosatuhpa sawchapawzy cha, A bôhpa ta nâ lâ a vy aw ei ta; Châ mohnaotuhpa zydua chhao, Na phei thaby liata amâ bôh aw. “Abeipa Khihpi” cha tah aw ei ta, “Izarei Mo Pathaihpa Zaio Khihpi” ama cha tah aw.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

HÂKAI 2:7

Phopi zydua ei chalyu aw ei. Râh to liata ryusôhpazy vaw tlô aw ta, he o he rônahna ta ei pabie aw,’ Pheisaihzy Abeipa ta a tah.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

LUKA 10:16

“Nama bie a theipa cha, ei bie a theipa a châ. Nâmo châ khoh leipa cha, kei nâ khoh leipa châ ta, kei nâ khoh leipa cha, nâ tuahtuhpa a khoh leipa a châ,” tah ta.

LUKA 12:8

“Ei cha chho ei, chyhsa hmiakô liata nâ châhkheipa maih cha, Chyhsa Sawchapawpa ta Khazohpa vâlyuhchâpazy hmiakô liata â châhkhei hra aw.

LUKA 18:9

Sia â tah kawpa ta, mohropazy a mohnaopa chyhsazy hnohta, he pakhona bie he Zisu ta reih ta:

LUKA 2:38

Cha daihti lia tlai ta, Anâ cha a vy ta, Khazohpa lâ alyna bie reih ta, Zerusale chatlaina a hâtuhpa zydua hnohta Zisu thâtih cha chho ta.

LUKA 9:26

Ahy rai kei nata ei biezy a zakheipa cha, Chyhsa Sawchapawpa ta a rônahna chhaota nata a Paw rônahna nata a vâlyuhchâpa pathaihpazy rônahna chhaota â zu tita, ano cha a zakhei hra aw.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 13:3

Zisu cha Paw ta a ku liata hmo to a pavaosapa kyh nata Khazohpa tawhta a vaw puapa a châpa nata Khazohpa lâta a sie heih awpa a châpazy pahno thlâh ha ta.

ZAWHÂNA 16:28

Paw tawhta vaw pua ta, khizaw liata a vypa ei châ. Tahmâ khizaw siesaipa ta Paw lâ ei di heih aw,” tah ta.

ZAWHÂNA 3:13

Vârâh tawhta za chôpa Chyhsa Sawchapawpa dei leipa ta cha, vârâh lâ ahy hmah kiah beih veih ei.

ZAWHÂNA 8:42

Zisu ta ama hnohta, “Khazohpa cha nama Paw a châ khiahta cha, kei he Khazohpa tawhta a puapa nata ano tawhta a vypa ei châpa vâta, kyh eina pachâ aw ei chi. Keima rei ta a vypa châ va na, ano ta eina tuapa tlao a châ.

1 KAWRINI 1:28

Hmo a ypazy hraoleipa a pachâsa thei nawpa ta, Khazohpa ta khizaw ta nawraihpa nata mohnao chhihpa ta a pachâpazy a tlyh ta, hmo a y leipazy chhao â tlyh.

KALATIA 4:26

Chô lâ Zerusale deikua cha, khotalaipa châ ta, ano cha keimo nô a châ,

KALATIA 6:14

Kei deikua la, eima Beipa Zisu Krista kraws dei leipa ta cha, a palaikhei awpa hropa hnei va na. Cha kraws liata khizaw he kei châta khaipâpa ta y ta, kei chhao khizaw châta khaipâpa ta ei y.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.