HLAZY HLA 7:4 - Mara Bible RV (BSI)

⁴ Na rao cha sianaoh o sâhpa lyu ta, Na mokhaohzy cha Bârabi thokhy chhikao kiapâh ta a ypa, Hesbaw liata tipozy ama lyu. Na hnapasu chhao Dâmaskâ lâ a heihpa, Lebanaw o sâhpa a lyu.

HLAZY HLA 7:4 ပူးပေါင်းရင်းမြစ်များ

ÂTHAONA 15:2

Châhrasala Abarâ ta, “Hy Abeipa Zehôvâh, khâpa eina pie aw chi, saw leipa châ na ta, ei ryu a to awpa cha Dâmaskâ khihpa Elieze a châ?” tah ta.

2 SAMUELA 8:6

Dâvi ta Dâmaskâ liata Aramia mo hry liata pheisaih suzy soh ta, chatanachata Aramia mo cha Dâvi chakaotuhpa ta y ei ta, ano lâ râhpaw ama pie lymâ. Abeipa ta Dâvi cha a siena maih liata pahniena pie lymâ ta.

1 ABEIZY 10:18

Abei ta sianaoh beidyuchhai rônah ngaitapa chhao tao ta, ngôh pha chaipa ta pahu ta.

1 ABEIZY 10:22

Abei ta tilaipi liata Tâsi balyhzy hnei ta, chazy cha Hirâ balyhzy nata sie khoh tyh ei ta. Tâsi balyhzy chata kô thôh padai ta ei kha ngôh, tâkâ, sianaoh, veituh nata varapa zy vaw phaoh tyh ta.

1 ABEIZY 22:39

Ahabâ thâtih hropazy, a hmotaopa zydua, sianaoh o a sapa nata khihpi a paduapa zydua kyh cha Izarei beizy thâtih rona châbu liata ropa a châ.

1 ABEIZY 7:2

“Lebanaw Tho O” tahpa ta moh bipa ta, Sawlawmaw ta abei o cha a sa. A doh lâ dy za kha seih ta, a hâ lâ dy sypangawh kawh ta, dy sythôh â sâh. Sidy otôh tlâh palih ta patlâhpa chô liata palaih nata pâkôzy sidy tho hmâpa a châ.

1 ABEIZY 9:19

Hmo sopakhyna khihpi a hneipa zydua, a talailihzy sona khihpizy, a arâ pheisaih khihpizy nata a padua khohpa maih cha, Zerusale khihpi liata nata Lebanaw liata nata a khinarâh chhôh zydua liata Sawlawmaw ta a padua lymâ.

2 THÂTIHZYRONA 8:6

Bâlathâ khihpi, Sawlawmaw hneipa hmobaoh sona khihpi zydua, a talailihzy sona khihpizy nata a arâ pheisaihzy yna khihpizy padua ta, Zerusale, Lebanaw nata a ryureina râh chhôh zydua liata khihpi a padua khona maih liata Sawlawmaw ta a padua lymâ.

HLAZY 144:12

Eima sawchapawzy thyutlia lochona daihti cha, Chichei daw phapa hawhta châ ei sala; Eima sawchanôzy thyutlia lochona daihti chhao, Abei o liata otôh khiepazy hawhta châ mawh ei sy.

HLAZY 45:8

Na chysiazy cha ropahâhpa ta biepa ta, Deiryh, lilipaw nata lôiasoh rohzy ta bie ta, Sianaoh abei ozy tawhta Pyungiapa chhaichhi ri chhaopazy ta a cha palysa tyh.

HLAZY HLA 1:10

Lôsôhpa ta a tobipa na ôhzy kho a chhih ngaita ei ta, Ngôh pachhih rizy a aopa na rao chhao kho â chhih ngaita.

HLAZY HLA 4:1

Âh, nâ ngia tlai na, ei lôhdunô, Na vaw chhithai tlai na! Nâ khuna poh ry liata na mozy vachhuh lyu ta, Na sâ chhao Kilia tlâhzy tawhta a zâ chôpa mie hrizy a lyu.

HLAZY HLA 4:4

Na rao cha alôzy pachopa ta paduapa Dâvi o sâhpa lyu ta; Cha liata vyhphao sâh kha a bangieh ta, Pasaiphazy vyhphao sai a bangieh.

HLAZY HLA 4:5

Na sâhpi mianozy cha sakhih taw pô no lyu ei ta, Lilipawzy hry liata a tlaihpa Sakhih taw maphieh tlai ama lyu.

HLAZY HLA 6:5

Na mozy ta na pahnie tu ha ei ta, Rie na moh khao khah y; Na sâ chhao mie hri lyu ta, Kilia tlâhpi tawhta a zâ chôpa mie hri tlai a lyu.

ISAI 54:4

“Chi khah y, Maophyuh khao aw va chi; Na no za khah sy, Hmiachhiepa ta y khao aw va chi. Na thyutlia nota na maophyuhna kha my aw chi ta, Na nôhmeina moh chhiena a thei khao aw va chi.

HEBRAI 5:14

Pati hmeiseihpa deikua cha, pitlohpazy châta châ ta, pati hmeiseihpa nie amâ chu lymâpa vâta, chhie nata pha pahrua thaina a hneipa pitlohpazy ama châ.