HLAZY HLA 7:12 - Mara Bible RV (BSI)

¹² Mydi ta kre sadô lâ sie ei sih la, Kre zôhzy ama paw ama pabyuh mâh ma, Kei moh ei sih la; Kre paw lochopa ta, Pawmikarânâ paw a pakai mâh ma, Kei moh ei suh u. Cha liata ei kyhpachâna ei cha hlâ aw.

HLAZY HLA 7:12 ပူးပေါင်းရင်းမြစ်များ

HLAZY 122:5

Cha liata ryureina beidyuchhaizy patyupa châ ta, Dâvi pathla beidyuchhaizy patyupa a châ.

HLAZY 43:4

Chatanachata Khazohpa maisâh lâ pangai aw na ta, Ei lyna chaipa Khazohpa lâ ei pangai aw. Hy Khazohpa, keima Khazohpa y, Totâ ta ei cha reithai aw.

HLAZY 73:25

Avâ liana khi ta, Nâ leipa ta ahy hropa ma ei hnei tly? Alei liana chhao heta, Nâ leipa ta khopa hro hnei va na.

PUASAINA 25:22

Cha liata châ tyh tyh aw na ta, Izarei sawzy hnohta bie ei pie awpa zydua cha, biehrai byh chô liata zawngiahna dyuchhai liata cherubi mianozy likawh tawhna chata ei cha chho tyh aw.

BIESOZY 8:17

Kyh nâ pachâtuhpazy cha ama kyh pachâ na ta, Palôh hmeiseihpa ta nâ tluapazy ta eina hmô ei.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

HLAZY HLA 2:13

Theiku theizy hmoh ei ta, Kre zôhzy vaw pawh ei ta, Ama ropahâhpazy ama pathlisa ngâ kaw bâ hih. Ei kyhpachâ, kei châta chhithai chainô, Thyu la, vaw kiah bâ mah y,” eina tah.

HLAZY HLA 2:15

Eima kre sadôzy ama paw locho daihti châ ha ta, Kre sadôzy a paraotuhpa changiezy miah patupa la, Changie tawzy miah patupa mah y.

HLAZY HLA 4:13

Na chiahzy cha pawmikarânâ sadô châ ta, Thei pha chaipazy pathei ta, Henâ nata spinâ zy puana sadô a châ.

HLAZY HLA 4:16

Hy maw thlih, a hra la, Hy chho thlih, a vy mah y! Ei sadô liata vaw pathli u la, A ropahâhpazy charao zaolao mawh sy. Ei lôhdupaw cha a sadô liata a vaw ngia sala, A thei pahâh chaipazy vaw nie mawh sy.

HLAZY HLA 6:11

Saikao liata pawpi a pawhpazy sai ta, Kre zôhzy ama paw ama pabyuh mâh ma tahpa mopa ta, Pawmikarânâzy ama paw ama pakai mâh ma tahpa moh awpa ta, Thei hyh châpa sadô lâ zu na ta.

HLAZY HLA 7:11

Ei lôhdupaw, a vy mah y, Râh lâ sie ei sih la, Henâ buhzy hry liata a kei rie khoh suh vy.

HLAZY HLA 7:6

Hy lôhdunô, khâ a ly chi ta, Na chhithaizie nata na rianaizie rimâ cha!

ISAI 18:5

Kre zôh a paw pawh ta, A paw tawhta a thei a pabyuhpa hmoh pathao ta, Châhrasala kre thei lyu daihti a tlôh hlâta, Abeipa ta tâkô ta kre chhyhzy chhawh pathlah aw ta, A chiah a zawhpazy thlâ aw ta a pathla khai ha aw.

HMOTAOPAZY 15:36

Noh khazie tlyma a khô tawhta, Pawla ta Bânabâ hnohta, “Sie heih sih la, Abeipa bie eima chhona khi to liata unawhzy kei tly laih sih la, khâpa ma ama lyu tahpa kei moh laih ei suh u,” tah ta.

RAWMA 5:11

Cha dei châ vei, tahmâ aryhna miah a pahmôsatuhpa eima Beipa Zisu Krista vâta Khazohpa liata eimâ ly.

2 KAWRINI 13:5

Ngiapâna liata nama y ma tahpa nâmosasyh ta a mohpasia u la, nâmosasyh ta a pasia teh u. Zisu Krista cha nâmo liata a y tahpa nâmo tlai ta pahno veih ei chi mâ? Pasiana liata a tloh leipa nama châ vei khiahta cha, nâmo ta nama pahno aw.

EPHESI 6:24

Kyhpachâna dia beih leipa ta eima Beipa Zisu Krista kyh pachâtuhpa zydua hnohta ngiachhiena y mawh sy.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

HEBRAI 2:13

“Ano liata ngâna ei pahnieh aw,” tah heih ta, “Moh tua u, Kei nata Khazohpa ta eina piepa sawzy hih,” a tah.

HEBRAI 2:15

Chatanachata thi riah china sei ta hro chhôh a tâhpa zydua a pachha ha ei.

HEBRAI 4:16

Chavâta zawngiahna eima hmô thei nawpa nata bao eimâ ngiah daihti liata miah bao awpa ta ngiachhiena eima hmô thei nawpa ta, ngiachhiena beidyuchhai cha riahphapa ta a hnia suh u.