HLAZY HLA 6:11 - Mara Bible RV (BSI)

¹¹ Saikao liata pawpi a pawhpazy sai ta, Kre zôhzy ama paw ama pabyuh mâh ma tahpa mopa ta, Pawmikarânâzy ama paw ama pakai mâh ma tahpa moh awpa ta, Thei hyh châpa sadô lâ zu na ta.

HLAZY HLA 6:11 ပူးပေါင်းရင်းမြစ်များ

ÂTHAONA 2:9

Zehôvâh Khazohpa ta, mo la ngaitapa nata nie awpa phapa tho chi to chhaohlei tawhta papyusa ta. Sadô liah liata hrona tho y ta, chhie nata pha pahnona tho chhao a y.

ÂTHAONA 40:10

Kre zôh liana cha a chiah miathôh y ta, a chhyh kaw thao ta, a paw thlai kaw pawh ta, a paw saozy ta kre hmohpazy vaw papua ta.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

HLAZY HLA 6:12

Ei vaw pahno hmâ hlâta, Ei khona ta ei chiheih talailihzy liata na sopa ta, Bei talailihzy liata na vaw soh thlâh ha ta.

HLAZY HLA 6:2

Ei lôhdupaw cha a sadô lâ sie ta, Ropahâhpa rakhôzy yna lâ a sie haw. A sadô liata a mietaku zaw patlaihsa awpa ta sie ta, Lilipawzy lyu awpa ta a sie haw.

HLAZY HLA 7:12

Mydi ta kre sadô lâ sie ei sih la, Kre zôhzy ama paw ama pabyuh mâh ma, Kei moh ei sih la; Kre paw lochopa ta, Pawmikarânâ paw a pakai mâh ma, Kei moh ei suh u. Cha liata ei kyhpachâna ei cha hlâ aw.

HLAZY HLA 7:13

Hy ei lôhdupaw y, Khoiahzy ta ropahâhpa papua ei ta, Eima ochhizy kiah liata theilâ pahâhpa to y ta, Theilâ thiehpa nata theilâ hlôpazy, Nâma châta ei cha sopa thlâh ha lah y.

MÂKA 11:13

Lâhla tawhta theiku kô buh rôhpa kei hmô ta, a thei hmô awpa hnabeiseihpa ta pangai ta. A kei tlô nahta deikua cha, a hna dei leipa cha khâpa hmah hmô leipa ta. Theiku pathei daihti a châ mâh leipa vâta a châ.

LUKA 13:7

Kre zôh mohôhtuhpa hnohta, ‘Moh tua, kô thôh chhôh tlai, he theiku kô liana he a thei tluapa ta a vy tyh na ta, thei kha hmah hmô beih va na. Thlu ha mah y. Alei a pahrâ pahraoh thlâhthlipa dei a châ’ tah ta.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

HMOTAOPAZY 15:36

Noh khazie tlyma a khô tawhta, Pawla ta Bânabâ hnohta, “Sie heih sih la, Abeipa bie eima chhona khi to liata unawhzy kei tly laih sih la, khâpa ma ama lyu tahpa kei moh laih ei suh u,” tah ta.