HLAZY HLA 6:10 - Mara Bible RV (BSI)

¹⁰ “My khihdei hawhta pavâpa ta, Chôthlapi hawhta panyu ta; Noh lynô hawhta khaihpa ta, Pohraipazy a chaluahpa pheisaih hri hawhta Hihâ a hneipa cha ahy ma a châ tly?”

HLAZY HLA 6:10 ပူးပေါင်းရင်းမြစ်များ

2 SAMUELA 23:4

My noh khaihpa hawhta châ ta, Noh vaw chhi ta meihdo a y leipa my hawh a châ. Vâsua khai noh khaih pha ry liata, Alei si panyupa a kaw pyuhpa hawhta a châ.

ZAWBÂ 11:17

Hrona cha nohchhô hlâta khaih via aw ta, Zohna chhao my hawh a châ aw.

ZAWBÂ 31:26

Noh a khaih nota mopa ta, Thlâpâ rônahpa ta a sie ngâpa moh aw sah la;

HLAZY 14:5

Khazohpa cha mosiapazy hry liata a pahlao tlôh ta, Chavâta hmoparaopazy cha, cha liata chi ngaitapa ta ama y.

BIESOZY 4:18

Mosiapazy lâpi deikua cha khihdei khaihpa hawh châ ta, Nohchhô locho a tlô hlâlei a khaih via lymâ.

HLAZY HLA 1:15

Nâ ngia kaw dia, ei lôhdunô, Âh, nâ vaw ngia tlai na; Na mokhaohzy cha vachhuhzy a lyu.

HLAZY HLA 3:6

Deiryh nata sathaw ropahâhpa a thu ta, Sôhdaoh liata ropahâhpa paohzy a hniapa ta, Meikhuh a duahpazy hawhta, Râhchawhpa tawhta â vypa hao ahy ma a châ tly?

HLAZY HLA 6:4

Hy ei lôhdunô, Tizah hawhta a ngiapa ta, Zerusale hawhta kho a chhih chi ta, Pohraipazy a chaluahpa pheisaih hri hawhta, Hihâ na hnei ngaita.

HLAZY HLA 8:5

A lôhdupaw a vaw hnieh laihpa ta, Râhchawhpa tawhta â vypa hao ahy ma a châ tly? Epuh kô ry liata cha pahra na ta, Cha liata na nô cha na hnohta sawzeihpa ta y ta, Cha liata châ satuhpa cha sawzeihpa ta a y.

ISAI 58:8

“Chatanachata na khaihna cha, My khihdei hawhta khaih aw ta; Na hnatlâna a pha patoh aw. Na siana ta hmia châ sahpa aw ta, Abeipa rônahna ta na hnôh lâ a cha vaih aw.

ISAI 63:1

Chysia saihdôhpa ta a tobi ta, Edômâ râh Bôzrâ khihpi tawhta a vypa hao Ahy ma a châ tly? Poh rônahpa a bu ta, Thatlô ngaitapa ta hrâ a vaw siepa hao Ahy ma a châ tly? “Keima na ei châ; Siana ta bie reih na ta, Pachha awpa ta thatlôna a hneipa ei châ,” Abeipa ta a tah.

HÔSIA 6:5

Chavâta hrohsopazy hmâpa ta tuchheih ei na ta, Ei pakah biezy ta ei thie ha ei; Ei hriena cha dôhla hawhta a pathli.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

MATHAI 13:43

Chyhsa siapazy deikua cha, ama Paw khinarâh liata noh hawhta ama khaih aw. Nakhaoh a hneipa ta thei mawh sy.

MATHAI 17:2

Ama hmiakô liata a hmia a vaw nano ha ta, a hmia cha noh hawhta khaih ta, a chysiazy chhao khaihpa hawhta vaw dieh ta.

RAWMA 8:37

Pachhaih bao va! Cha zydua liana chata kyh miah pachâtuhpa vâta, pahnietuhpazy hlâta rônah viapa eima châ.

EPHESI 5:27

Chatanachata Awnanopa cha a puapa rai a kiah leipa, a vo a dao leipa nata cha hawhpa hmo rai a phaoh leipa châ thei aw ta, pathaihpa nata seina hnei leipa Awnanopa rônahpa châ awpa ta, Krista ano tlai ta a tao aw.

BIEPHUAH 1:16

A ku chachâh lâta awhsi miasari chaba ta, a pakah tawhta zaozi hâh nopa vaw pua ta, a hmia cha nohchhô locho no hawhta a khaih.

BIEPHUAH 10:1

Chatawhcha vâlyuhchâpa hropa thatlô ngaitapa avâ tawhta a za chôpa hmô na ta. Meihdo ta a tobi ta, a luh chô liata meisaku a zawh ta, a hmia cha noh hawhta khaih ta, a pheizy cha mei tôh hawhta a châ.

BIEPHUAH 12:1

Chatawhcha ngiana rônahpa avâ liata a vaw lâ ta. Chanô pakha, noh ta a tobi ta, a phei ry liata thlâpâ y ta, awhsi miahrawh hleino ta taopa lakho a khopa vaw y ta.

BIEPHUAH 21:23

Khihpi pakhaihsa awpa ta noh a ngiah leipa ta, thlâpâ chhao a ngiah hra vei, Khazohpa rônahna ta pakhaihsa ta, Mietakutaw cha a meiôh a châ.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.

BIEPHUAH 22:5

Zâ y khao leipa aw ta, meiôh khaihpa nata noh khaihpa a ngiah khao aw veih ei. Abeipa Khazohpa cha ama khaihpa châ aw ta, chhâzaw nata tlyzaw ta ryu ama reih aw.