HLAZY HLA 5:7 - Mara Bible RV (BSI)

⁷ Khihpi vaituhpazy ta khihpi ama chahlôna liata na hmô ei ta, Na tupa ta, hmah na paphao ei ta; Thokhy vaituhpazy ta ei khuna poh eina hlaipa ei.

HLAZY HLA 5:7 ပူးပေါင်းရင်းမြစ်များ

HLAZY 141:5

Mosiapa ta cha na tu mawh sy, Cha cha eina khokheipa vâta a châ; Na chhorei mawh sy, Ei luh châta sathaw châ ta, Ei luh ta dytha khah sy. Chatanachôta hmo moleipa ama taopazy a dyuh na ta, Thlah ei chhâ lymâ.

HLAZY HLA 3:3

Khihpi vaituhpazy ta Khihpi ama chahlô nota na hmô ei ta. “Lôh rie ei ngiabâh chaipaw nama hmô ma?” tah ei na ta.

HLAZY HLA 5:6

Ei lôhdupaw cha ochhi pahypa na ta, Châhrasala ei lôhdupaw cha a lie ta, Sihnôh a kua syulyu haw. A bie reipa ta ei palôh pakeichheih ta, Tlua na ta, châhrasala hmô khao va na; Aw na ta, châhrasala na chhy khao vei.

HLAZY HLA 5:8

Hy Zerusale zuahzy saih u, Bie ei cha pataihsa ei; Ei lôhdupaw kha nama hmô khiahta cha, Vâiana vâta na a pasa tahpa na vaw chhopa muh vy.

HLAZY HLA 8:11

Sawlawmaw cha Bâlâhamaw liata kre sadô hnei ta, Mokhâhtuhpazy hnohta hria hlao hneipa ta pahriasa ta, Chyhsa to ta a theilâpa ty châta, Tâkâ tlaw sâh kha ama vaw chei chyu awpa a châ.

ISAI 3:23

thlalâzy, poh rih dipazy, khuthozy nata hmiakhunazy a pahluhpa khai aw ei.

ISAI 62:6

Hy Zerusale y, Na thokhy chô liata riahvaituhpazy soh ha na ta, Chhô nah zâ ta ama vaih aw; A chalih beih aw veih ei. Nâmo, Abeipa a padotuhpazy saih u, Y molo khuh vy.

HÔSIA 6:5

Chavâta hrohsopazy hmâpa ta tuchheih ei na ta, Ei pakah biezy ta ei thie ha ei; Ei hriena cha dôhla hawhta a pathli.

MATHAI 23:2

“Ryhpa pachutuhpazy nata Phârisaihzy cha Mawsi dyuchhai liata a tyuhpa ama châ.

LUKA 6:22

“Chyhsa Sawchapawpa vâta, chyhsazy ta châ haopa ta, cha pathluapa ta, cha pasipasawhpa ta, nama moh ama cha pachhie tita, nama nohlao na!

ZAWHÂNA 16:2

Pakhyna ozy tawhta cha papua aw ei ta, châ thiepa maihta Khazohpa chakaona rai a hriapa hawhta amâ pachâ nawpa daihti a vaw tlô hai.

2 KAWRINI 11:13

Cha hawhpa chyhsazy cha, chyhsa dôvei hmâhpa hriatuhpa, âmosasyh ta Krista lyuhchâpa ta â taopa, lyuhchâpa pakheipazy ama châ.

PHILIPI 3:6

phahnai ngiahna kyh liata Awnanopa a taolatuhpa ei châ. Ryhpa biezy zyhpa vâta siana kyh liata chhao seina hnei leipa ei châ.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.