HLAZY HLA 5:2 - Mara Bible RV (BSI)

² A zia taraw na ta, Ei palôh deikua â hra thlâh haw. Nathlie tua u! Ei lôhdupaw ta ochhi vaw chakhyh ta, “Hy ei sietanô, ei khochainô, Ei vachhuh, kei châta sia pakinô, Ochhi na vaw pahy teh. Diati ta ei luh padâ ta, Zâ ameih ta ei sâphiehpa a padâ khai ha hih,” tah ta.

HLAZY HLA 5:2 ပူးပေါင်းရင်းမြစ်များ

ÂTHAONA 29:20

Chatanachata Zakaw cha Râkheli hnei awpa ta kô sari chakao ta, a kyh a pachâ kawpa vâta, noh chyhta hawhta pachâ ta.

HLAZY 119:1

Hrozie phapakipa chyhsazy cha nohlao ei ta, Abeipa ryhpa a chhihtuhpazy cha ama nohlao na!

HLAZY 81:10

Kei he Abeipa na Khazohpa châ na ta, Izi râh tawhta châ kaw chhi papuatuhpa kha ei châ. Na pakah a kawhpa ta â la, Ei pabie aw.

BIESOZY 23:26

Ei sawchapawpa y, na palôh na pie la, Na mozy ta ei lâpizy moh mawh sy.

HLAZY HLA 1:16

Âh, nâ ngia tlai na, ei lôhdupaw, Kho nâ vaw paoh tlai na. Eima rakhô hroh sili ta,

HLAZY HLA 2:10

Ei lôhdupaw ta bie reih ta, ei hnohta, “Ei kyhpachâpa, kei châta chhithai chainô, Thyu la, vaw kiah bâ mah y.

HLAZY HLA 2:14

Hy ei vachhuh, lôpanô keipazy liata a nyu chi ta, Lôkâhpa khuazy liata a y tyhpa y, Na hmia na pahmô la, Na ao na patheisa mah y; Na ao thlôh ta, Na hmia kho â chhih kaw dia!

HLAZY HLA 2:8

Cha cha ei lôhdupaw ao a châ chu! Moh teh u, â vy hai, Tlâhpizy chô liata a vaw zaw laih ta, Tlâhthlôhzy chô liata châki a vaw zoh laih.

HLAZY HLA 3:1

Zâ ta khôpheih chô tawhta rohpadypa ta, Lôh rie ei ngiabâh chaipaw cha tlua na ta, Tlua na ta, châhrasala hmô va na.

HLAZY HLA 4:7

Nâ ngia paki tlai na, ei lôhdunô, Sei nawpa rai hnei va chi.

HLAZY HLA 4:9

Hy ei sietanô, keima myuh thieh, Na iah ta ei chhôhso na zai ta, Ei kha eina vaw mopa chi ta, Na pachhih liata lôsôhpa miakha ta, Ei chhôhso a pahnie haw.

HLAZY HLA 5:11

A luh cha ngôh sua chaipa châ ta, A sâphiehpazy a pako ta, Raawh vyhpa hawhta a vyh pathlie.

HLAZY HLA 5:6

Ei lôhdupaw cha ochhi pahypa na ta, Châhrasala ei lôhdupaw cha a lie ta, Sihnôh a kua syulyu haw. A bie reipa ta ei palôh pakeichheih ta, Tlua na ta, châhrasala hmô khao va na; Aw na ta, châhrasala na chhy khao vei.

HLAZY HLA 6:9

Ei vachhuh, keima phapakinô deikua cha, Pakha deita a y; A nô sawchanô hnei chhôhpa châ ta, Ano a satuhpa a nô mody chaipa a châ. Chanôzy ta ano cha hmô ei ta, Nohlao ama tah. Beinôzy nata nôthozy chhao ta ano cha hmô ei ta, Hetana heta ama reithai:

HLAZY HLA 7:9

Na pakah cha kresawhti pahâh chaipa hawhta châ mawh sy. Ei pakah kresawhti cha, Ei lôhdupaw châta pahnia kawpa ta loh sala, A hmaozy nata a hâhzy chô liata loh zaolao mawh sy.

HLAZY HLA 8:7

Kyhpachâna mei cha, Ti hluhpi ta pachhai thei leipa ta, Tisaih chhao ta pamôh thei vei. A o liata a hneina zydua pie khaipa ta, Chyhsa ta kyhpachâna chalei â chhuah khiahta cha, Thata mohnaopa a châ aw.

ISAI 50:6

Ei ky he nâ tutuhpazy châta dao na ta, Ei baih he ei baihhmi nâ phiatuhpazy châta ei dao tyh. Ei hmia he nohzaona tawhta nyu leipa na ta, Pachih pachhaona tawhta nyu hra va na.

ISAI 52:14

Ano ama hmô nahta, Chyhsa hluhpi ta noâh ama tahpa hawh tlai ta, A hmisâ rao khai ha ta, Chyhsapa hmi chhao lyu khao vei; A pizie chhao, Chyhsa sawzy pizie lyu khao vei.

DÂNIAH 8:18

Ei hnohta bie a rei hai no tlai chata, ei hmia alei lâ a khupa ta mokuh pahâh ngaitapa ta a vaw mô ha na ta. Châhrasala na vaw hria ta, na padua ta.

ZEKARIA 4:1

Chatawhcha bie nâ chhotuhpa vâlyuhchâpa kha vaw kua ta, chyhsa â môpa pahrapa hawhta na vaw pahra ta.

MATHAI 7:8

A hiahpa maihta piepa châ ei ta, a tluapa ta hmô ta, a chakhyhpa cha pahypa a châ.

MATHAI 8:17

Cha hmo cha hrohsopa Isai ta, “Ano ta eima pasanazy a la ta, eima hriiahzy miah a phaopa,” tahpa ta a reipa kha a vaw tlô thei nawpa ta a châ.

MÂKA 1:35

Mydi kari khih a pavâ hlâta thyu ta, su dâhthlohpa lâ sie ta, cha liata thlahchhâ ta.

LUKA 22:44

A pachârôh ngaita ta, phahnai a ngiah via heihpa ta thlahchhâ ta. A mathlai di thisaih hawhta alei liata tla ta.

LUKA 6:12

Cha nohzy liata, Zisu cha thlahchhâ awpa ta tlâh lâ khy ta, azozâkhihdei ta Khazohpa lâ thlahchhâ ta.

LUKA 9:32

Pity nata a viasazy cha mokupa ta tlauah ei ta, amâ vaw hra nahta, a rônahna nata a hnohta chyhsa pano a duahpazy cha hmô ei ta.

ZAWHÂNA 10:4

Ano eih zydua a papua khai nahta, ama hmia lâta sie ta, a ao ama pahnopa vâta, mietakuzy ta ama pazi tyh.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

EPHESI 5:14

Hmô theipa ta a ypa maih cha khaihpa a châ. Chavâta, “Nâ, a môpa, a hra la, Athihpa hry tawhta thyu teh! Krista ta a cha khaipahlie aw,” tahpa a châpa kha.

BIEPHUAH 14:4

Cha chyhsazy cha chanô liata a papua leipa, chapaw kôpazy ama châ. Mietakutaw siena lâ maih a zituhpazy châ ei ta, Khazohpa châta nata Mietakutaw châta a pathei tua chaipazy châ awpa ta, chyhsa hry tawhta chatlaipazy ama châ.

BIEPHUAH 3:20

Nathlie teh, ochhi thaby liata a duah na ta ei chakhyh. Ahy rai ei ao thei ta, ochhi a pahy khiahta cha, ano liata a ngia aw na ta, a hnohta pati nie aw na ta, ano chhao ei hnohta a nie hra aw.

BIEPHUAH 3:4

Châhrasala Sadisâ liata chyhsa chyhta ama y chy. Âmo cha ama poh a papuapalei leipazy châ ei ta, poh diehpa a bupa ta ei hnohta ama charei aw. Cha hawhta a y thei awpazy tlai ama châ.