HLAZY HLA 5:16 - Mara Bible RV (BSI)

¹⁶ Ano cha a reikah a thlôh chaipa châ ta, Kho a pao chaipa a châ. Hy Zerusale zuahzy saih u, Ei lôhdupaw cha ano cha châ ta, Ei viasapa cha ano cha na a châ.

HLAZY HLA 5:16 ပူးပေါင်းရင်းမြစ်များ

2 SAMUELA 1:23

“Sawla nata Zawnathâ kha, Kho a chhih ei ta amâ ngia ngaita dia! Hro chhôh ta a kao ei ta, Thina liata chhao a chhaih veih ei; Pahmôhpi hlâta chatlie via ei ta, Chakeibarôhneipa hlâta ama tha a tlô via.

HLAZY 119:103

Na biezy cha ei pakah châta a thlôh kaw dia! Kheihti hlâta ei pakah liata a thlôh via.

HLAZY 148:13

Ano moh deita cheihchalo tlâhpa a châpa vâta, Abeipa moh cha reithai mawh ei sy; A rônahna cha alei nata avâ hlâta a sâh via.

HLAZY 19:10

Chazy cha ngôh hlâta kho a chhih via ei ta, Ngôh suapa hlâta ama sôh via; Kheihti hlâta thlôh via ei ta, Kheihthlawh hlâta ama thlôh via.

HLAZY 45:2

Chyhsa sawzy hlâta chhithai chai chi ta, Na hmaozy liata ngiachhiena hrypa châ ta, Chavâta Khazohpa ta chhâzaw ta vânoh a cha patosa.

HLAZY 89:6

Avâzy liana khita Abeipa pakhopâ thei awpa ahy ma y ta, Abeipa hawhpa he vâmozy hry liata ahy ma a y?

HLAZY HLA 1:16

Âh, nâ ngia tlai na, ei lôhdupaw, Kho nâ vaw paoh tlai na. Eima rakhô hroh sili ta,

HLAZY HLA 1:2

Ei lôhdupaw ta na sy sala, A hmao ta na sy mawh sy! Na kyhpachâna cha kresawhti hlâta pha via ta,

HLAZY HLA 1:5

Hy Zerusale zuahzy saih u, Vyh kaw hraw sah la, Kho ei chhih kaw; Kedâ poh ozy lyu na ta, Sawlawmaw pohraipazy ei lyu.

HLAZY HLA 2:1

Saraw rôspaw châ na ta, Saikao lilipaw ei châ.

HLAZY HLA 2:16

Ei lôhdupaw cha kei eih châ ta, Kei chhao ano eih ei châ; Ei lôhdupaw cha lilipawzy hry liata A mietaku zawzy a patlaihsa tyh.

HLAZY HLA 2:3

Râhmâhpa thozy hry liata epuh kô hawhta, Ei lôhdupaw chhao satliazy hry liata â lâ patlua. Palôhtlâh ngaitapa ta a nohdi ry liata a tyuh na ta, Ei pakah liata a thei a thlôh ngaita.

HLAZY HLA 4:3

Na hmaozy pala saihlawpa lyu ta, Na pakah chhao kho â chhih ngaita. Nâ khuna poh ry liata na ôkhaihzy cha, Pawmikarânâ patlawpazy a lyu.

HLAZY HLA 6:3

Ei lôhdupaw eih châ na ta, Ei lôhdupaw chhao kei eih a châ; Ei lôhdupaw cha lilipawzy hry liata A mietaku zawzy a patlaihsa tyh.

HLAZY HLA 7:9

Na pakah cha kresawhti pahâh chaipa hawhta châ mawh sy. Ei pakah kresawhti cha, Ei lôhdupaw châta pahnia kawpa ta loh sala, A hmaozy nata a hâhzy chô liata loh zaolao mawh sy.

ZEREMIAH 15:16

Na biezy hmôpa châ ta, Ei nie ha ei. Hy Abeipa, Pheisaihzy Khazohpa, Na moh a phaohpa ei châpa vâta, Na biezy cha ei châta alyna châ ta, Ei palôh thaphana a châ.

ZEREMIAH 3:20

Nâmo deikua cha, Hy Izarei pathlazy saih u, A vahpa châta ngâchhih leipa lapinô hawhta, Ei châta ngâchhih veih ei chi,’” Abeipa ta a tah.

HÔSIA 3:1

Abeipa ta ei hnohta,“Izarei sawzy ta khazoh hropazy lâ tlei ei ta, amâ theihna hmohlâpa kresawhti nata kre chawhpa viahchhâzy ama tlaichhai kawna chô chhao ta Abeipa ta ama kyh a pachâpa hawhta, nâ chhao na lapinô cha a khopaw liata a châ pheisai hapa chhaota, vawh la, na kyhpachâna va palâsa heih teh,” tah ta.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

ZÂMIE 2:23

Chatanachata Biehrai ta, “Abarahâ cha Khazohpa a ngiapâ ta, cha ngiapâna cha a siana ta raopa a châ,” a tahpa bie kha vaw tlô ta, Abarahâ cha Khazohpa viasa ta bipa a châ.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.