HLAZY HLA 5:15 - Mara Bible RV (BSI)

¹⁵ A pheizy cha alabastâ otôhzy lyu ei ta, Ngôh ta taopa patyuna chô liata paduapa, Alabastâ otôhzy tlai ama lyu. A pizie cha Lebanaw lyu ta, Sidy tho pha chaipa a lyu.

HLAZY HLA 5:15 ပူးပေါင်းရင်းမြစ်များ

1 ABEIZY 4:33

Tho thâtih zy reih ta, Lebanaw liata sidy tho tawhta pâhchhô liata a pyuhpa hisaw thâtih taihta a reihpa a châ. Râhsa thâtih, pavaw thâtih, alyhpasa thâtih nata nga thâtih zy chhao a reih theipa a châ.

HLAZY 80:10

A nohdi ta tlâhpizy khu ta, A chiahzy ta sidy kô laipazy a pahli.

HLAZY 92:12

Mosiapa cha thiahrâ kô hawhta locho aw ta, Lebanaw sidy tho hawhta a laiseih aw.

HLAZY 92:13

Âmo cha Abeipa o liata lopazy châ ei ta, Eima Khazohpa o dôhpachhôh tlyhmia liata lochopa ta ama y.

PUASAINA 26:19

A ngaih miano pangaih nawpa ta thophia phia kha ry liata patyuna miano lymâ tao aw chi ta, thophia hropazy ry liata chhao a ngaih miano pangaih nawpa ta patyuna miano lymâ ta tao hrapa ta, thophia phia kih ry liata tâkâ ta taopa patyuna sypalih na tao aw.

HLAZY HLA 2:14

Hy ei vachhuh, lôpanô keipazy liata a nyu chi ta, Lôkâhpa khuazy liata a y tyhpa y, Na hmia na pahmô la, Na ao na patheisa mah y; Na ao thlôh ta, Na hmia kho â chhih kaw dia!

HLAZY HLA 4:11

Hy keima myuh thieh, Na hmao tawhta pawti a thlaoh ta, Na paleih ry liata kheihti nata sâhpiti a y; Na chysia roh cha Lebanaw roh a lyu.

HLAZY HLA 7:4

Na rao cha sianaoh o sâhpa lyu ta, Na mokhaohzy cha Bârabi thokhy chhikao kiapâh ta a ypa, Hesbaw liata tipozy ama lyu. Na hnapasu chhao Dâmaskâ lâ a heihpa, Lebanaw o sâhpa a lyu.

CHAPHÔHTUNA 4:7

A Nâzaraizy dâhaw hlâta pa­thaih via ei ta, Sâhpiti hlâta ama ngyuh via; Ama sapatie rubi lôsôhpa hlâta a noh thyu via ta, Ama pizie cha saphai lôsôhpa hawhta â ngiapa ama châ.

EZEKIA 17:23

Izarei tlâhpi laki liata loh aw na ta, a chiahzy pachiahpa ta, a theizy pathei aw ta, sidy tho phapa a vaw châ aw. A buh ry liata mathlaw a hneipa pavaw chi to pahrâ aw ei ta, a chiah nohpahlipa liata pavaw chi to ama pahrâ aw.

EZEKIA 31:8

Khazohpa sadô liata sidy thozy ta a kho leipa ei ta, Meisah thozy ta a chiahzy a kho veih ei; Asieh thozy ta a chiahzy a kho hra leipa ei ta, Khazohpa sadô liata tho kheihawhpa rai ta, Ano hawhta a ngiapa y veih ei.

HÔSIA 14:7

A nohdi liata a tyuh tyhpazy vaw kua aw ei ta, Sâh hawhta ama laiseih aw; Kre zôh hawhta pawh aw ei ta, Lebanaw kresawhti hawhta ama pathâh aw.

ZEKARIA 9:17

Kho amâ chhih awpazie nata amâ ngia awpazie rimâ cha! Kôvei phapa ta satliazy pasosâhsa aw ta, Kresawhti thiehpa ta laihsazy a pasosâhsa aw.

MATHAI 17:2

Ama hmiakô liata a hmia a vaw nano ha ta, a hmia cha noh hawhta khaih ta, a chysiazy chhao khaihpa hawhta vaw dieh ta.

MATHAI 28:3

A hmiaphao cha dôhla pathliepa hawhta châ ta, a chysia cha dâhaw hawhta dieh ta.

HMOTAOPAZY 2:28

Hrona lâpizy na pahnosa chi ta, Na ypâna vâta alyna ta eina pabie aw chi,’ tahpa ta a vaw reih haw.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

RYUREITUHPAZY 13:6

Chanô cha a vy ta, a vahpa hnohta, “Khazohpa chyhsa pakha ei hnohta a vy ta, â lânazie cha Khazohpa vâlyuhchâpa a lâzie lyu ta, chi â chhih ngaita. Khataih lâ chyhsa ma a châ tahpa hiahri leipa na ta, ano ta a moh na chho hra vei.