HLAZY HLA 4:9 - Mara Bible RV (BSI)

⁹ Hy ei sietanô, keima myuh thieh, Na iah ta ei chhôhso na zai ta, Ei kha eina vaw mopa chi ta, Na pachhih liata lôsôhpa miakha ta, Ei chhôhso a pahnie haw.

HLAZY HLA 4:9 ပူးပေါင်းရင်းမြစ်များ

ÂTHAONA 20:12

Cha thota, ano he ei sietanô tlai a châ. Ei paw sawchanô châ ta, ei nô sawchanô deikua châ vei. Ano cha lapinô ta ei hnei.

ÂTHAONA 41:42

Phiraoh ta a moh chahnaona kusadi a ku tawhta pahluh ta, Zawsi ku liata paky ta, lini chysia rônahpa ta tobi ta, a rao liata ngôh pachhih paao ta.

HLAZY 45:9

Chanô zachhihpazy hry liata, Abei sawchanôzy a hlao hra ei ta; Na chachâh lâta beinô a duah ta, Ôphi ngôh ta â tobi.

BIESOZY 1:9

Na luh châta pawpi pachhih a ngia ngaitapa châ ei ta, Na rao châta pachhihzy ama châ.

BIESOZY 6:25

A chhithaina cha na palôh ta tlaichhai leipa sala, A mopadei ta a cha patu awpa a pasaih khah y.

HLAZY HLA 1:10

Lôsôhpa ta a tobipa na ôhzy kho a chhih ngaita ei ta, Ngôh pachhih rizy a aopa na rao chhao kho â chhih ngaita.

HLAZY HLA 1:15

Nâ ngia kaw dia, ei lôhdunô, Âh, nâ vaw ngia tlai na; Na mokhaohzy cha vachhuhzy a lyu.

HLAZY HLA 3:11

Hy Zaio zuahzy saih u, pua u la, Bei Sawlawmaw hao moh tua u. A lapi hnei noh châta a nô ta lakho a pakhopa a kho ta, A palôh thapha noh ta â kho awpa lakho a khopa ta â vy huh.

HLAZY HLA 4:10

Hy ei sietanô, keima myuh thieh, Na kyhpachâna khoiah a vaw hnei rimâ cha! Na kyhpachâna kresawhti hlâta pahâh via syulyu ta, Na sathaw ropahâhpa chhao, Ropahâhpa zydua hlâta a pahâh via.

HLAZY HLA 4:12

Ei sietanô cha sadô khawpa châ ta, Ei myuh thieh cha tihnawh chhie pachhôpa, Tikhaoh pamaipa a châ.

HLAZY HLA 6:12

Ei vaw pahno hmâ hlâta, Ei khona ta ei chiheih talailihzy liata na sopa ta, Bei talailihzy liata na vaw soh thlâh ha ta.

HLAZY HLA 6:5

Na mozy ta na pahnie tu ha ei ta, Rie na moh khao khah y; Na sâ chhao mie hri lyu ta, Kilia tlâhpi tawhta a zâ chôpa mie hri tlai a lyu.

HLAZY HLA 7:10

Ei lôhdupaw eih châ na ta, A khona chhao keima châta a châ.

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ISAI 62:5

Satlia ta laihsa kôpa a hneipa hawhta, Na sawchapawzy ta cha hnei aw ei ta; Myuhneituhpa ta myuh â lypa hawhta, Na Khazohpa ta a châ ly aw.

EZEKIA 16:11

Lôsôhpa atobinazy ta cha tobi na ta, na ku liata lâkyuzy cha pakypa ta, pachhih ei cha paao.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

DÂNIAH 5:7

Dyuthaipazy, awhsithaipazy nata pachaothaipazy ano lâ a vaw chhi awpa ta abei cha a paro ngaitapa ta awh ta. Abei ta Babylaw chyhsa sopazy hnohta, “Ahy rai he châropa he reih ta, a chhopasiana nâ chho theipa cha, poh saihlawpa pabupa châ aw ta, a rao liata ngôh pachhih paaopa châ aw ta, khinarâh liata ryureituhpa a sâh chaipa a pathôhna a châ aw,” tah ta.

ZEPHANIA 3:17

Abeipa na Khazohpa cha na hnohta y ta, Khazoh thatlôpa ta a cha pachha aw. Na chô liata a thapha aw ta, A palôh a tlâh aw; A kyhpachâna ta thlah cha palôh aw ta, Na chô liata â lyna hla a sa aw.’

MATHAI 12:50

Ahy rai ei Paw vârâh liata a ypa khopa a taopa maih cha, ei unawh nata ei sietanô nata ei nô zy ama châ,” tah ta.

ZAWHÂNA 3:29

Myuh a hneipa cha myuhneituhpa a châ. Myuhneituhpa viasa, myuhneituhpa pahnokhei awpa ta a duahpa cha, myuhneituhpa ao a theipa ta a palysa ngaita. Chavâta tahmâ ei lyna pakipa a châ haw.

1 KAWRINI 9:5

Lyuhchâ hropazy, Abeipa unawhzy nata Kephâ hawhta, ngiapâtuhpa lapinô ta hneipa ta, ano a chhi theina biehneina hnei ma pi ma?

2 KAWRINI 11:2

Vahpa pakha, Krista tlai cha, châ pahawhpa ei na ta, ano châta laihsa kôpa pathaihpa châ awpa ta a hnohta ei hlâ hapa nama châpa vâta, Khazohpa hiatliana ta ei hia ei cha tlia ei.

BIEPHUAH 21:2

Chatawhcha khihpi pathaihpa, Zerusale thiehpa hmô na ta. Myuhthieh ta a vahpa châta a tobi ta, a mâ chiehpa ta a ypa hawhta, avâ liata Khazohpa tawhta za chô ta.