HLAZY HLA 4:16 - Mara Bible RV (BSI)

¹⁶ Hy maw thlih, a hra la, Hy chho thlih, a vy mah y! Ei sadô liata vaw pathli u la, A ropahâhpazy charao zaolao mawh sy. Ei lôhdupaw cha a sadô liata a vaw ngia sala, A thei pahâh chaipazy vaw nie mawh sy.

HLAZY HLA 4:16 ပူးပေါင်းရင်းမြစ်များ

BIECHHOTUHPA 1:6

Thlih cha chho lâ pathli ta, Maw lâ khy heih ta; Pathli chahlô lymâpa ta, A vaw puana lâ a kua heih tyh.

BIECHHOTUHPA 2:5

Sadôzy nata theilâpa thihzy a tao na ta, cha liata theilâpa tho to loh na ta.

HLAZY HLA 1:13

Ei lôhdupaw cha kei châta, Ei sâhpizy likawh liata a hniehpa deiryh byh a châ.

HLAZY HLA 1:4

Na ku ta nâ kei la, A râ ei suh u. Abei ta a chhôhpadâhpazy lâ einâ ngiakhei haw. Nâ liata a lypa ta eima thapha aw ta, Na kyhpachâna cha kresawhti hlâta eima cheihchalo via aw; Ama cha khoh kaw saipa he â vaw do tlai na.

HLAZY HLA 2:3

Râhmâhpa thozy hry liata epuh kô hawhta, Ei lôhdupaw chhao satliazy hry liata â lâ patlua. Palôhtlâh ngaitapa ta a nohdi ry liata a tyuh na ta, Ei pakah liata a thei a thlôh ngaita.

HLAZY HLA 2:8

Cha cha ei lôhdupaw ao a châ chu! Moh teh u, â vy hai, Tlâhpizy chô liata a vaw zaw laih ta, Tlâhthlôhzy chô liata châki a vaw zoh laih.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

HLAZY HLA 6:2

Ei lôhdupaw cha a sadô lâ sie ta, Ropahâhpa rakhôzy yna lâ a sie haw. A sadô liata a mietaku zaw patlaihsa awpa ta sie ta, Lilipawzy lyu awpa ta a sie haw.

HLAZY HLA 8:12

Ei kre sadô, keima kre sadô tlai cha ei hmiakô liata a y hih; Hy nâ Sawlawmaw, nâ ta sâh kha hnei la, Theilâpa mokhâhtuhpazy ta za no hnei mawh ei sy.

ISAI 64:1

Aw, avâzy khi hriepa ta za chô la, Na hmiakô liata tlâhpizy amâ sih mawh sala eima tah kaw dia!

EZEKIA 37:9

Abeipa ta ei hnohta, “Hu hnohta hrohsona bie phuah la, Hy chyhsa sawchapawpa y, phuah tlai la, hu hnohta, Abeipa Zehôvâh ta hetana heta a tah: ‘Hy hu y, thlih pathlina kaokih miapalih tawhta a vy la, ama hro thei nawpa ta, he thiepazy chô liana heta hu so thlu teh,’ tah mah y,” tah ta.

MATHAI 26:10

Zisu ta ama reipa cha a pahno nahta, ama hnohta, “Chanô he khazia nama patypamâ tly? Ei chô liata hmo phapa a taopa a châ.

MATHAI 26:12

He sathaw ropahâhpa ei pôhpa liata a baopa he, pabu awpa ta eina pachhuahpanohpa a châ.

ZAWHÂNA 3:8

Thlih cha a khona lâ maih a pathli tyh. A pyu thei chi ta, châhrasala khataih tawhta a vypa ma, khataih lâ ma a sie aw tahpa pahno va chi. Ahy rai Thlahpa ta a pihpa cha, cha hawhta ama y,” tah ta.

ZAWHÂNA 5:8

Zisu ta a hnohta, “Thyu la, na hmohphaw la la, phei ta sie teh,” tah ta.

HMOTAOPAZY 4:31

Thlah ama chhâ khai nahta, ama y pahmaohna o cha a vaw chalyu ta, ama zydua ta Thlahpa Pathaihpa ta bie ei ta, riahpha ngaitapa ta Khazohpa bie ama chho lymâ.

RAWMA 15:16

Khazohpa thâtihpha châta theihthaina chakaona raihria liata, Zenitaizy hry liata Krista Zisu chakaotuhpa châta raopa ei châ. Chatanachata Zenitaizy hmohlâpa cha Thlahpa Pathaihpa ta pathaisa aw ta, a pyh tlâh a châ aw.

RAWMA 15:28

Cha hmozy cha tao khaipa ta, thyunazy cha ama ku liata ei hlâ khai tawhta, nâmo cha vaw chapiapa ta Spânia lâ cha ei sie aw.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.