HLAZY HLA 4:12 - Mara Bible RV (BSI)

¹² Ei sietanô cha sadô khawpa châ ta, Ei myuh thieh cha tihnawh chhie pachhôpa, Tikhaoh pamaipa a châ.

HLAZY HLA 4:12 ပူးပေါင်းရင်းမြစ်များ

ÂTHAONA 29:3

Cha liata mietaku zaw zydua pahmaoh tyh ei ta, tikhaoh paka liata alô cha pahluah ei ta, mietakuzy ti ama padosa khai nahta, alô cha tikhaoh paka liata a yna ualua liata ama soh heih tyh.

HLAZY HLA 4:9

Hy ei sietanô, keima myuh thieh, Na iah ta ei chhôhso na zai ta, Ei kha eina vaw mopa chi ta, Na pachhih liata lôsôhpa miakha ta, Ei chhôhso a pahnie haw.

HLAZY HLA 6:11

Saikao liata pawpi a pawhpazy sai ta, Kre zôhzy ama paw ama pabyuh mâh ma tahpa mopa ta, Pawmikarânâzy ama paw ama pakai mâh ma tahpa moh awpa ta, Thei hyh châpa sadô lâ zu na ta.

HLAZY HLA 6:2

Ei lôhdupaw cha a sadô lâ sie ta, Ropahâhpa rakhôzy yna lâ a sie haw. A sadô liata a mietaku zaw patlaihsa awpa ta sie ta, Lilipawzy lyu awpa ta a sie haw.

ISAI 58:11

Abeipa ta cha chhihtha lymâ aw ta, Su chawhkaraipazy liata chhao lôhrâ cha patlô aw ta, Na rupazy tha a patlô aw. Ti pie phapa sadô hawhta châ aw chi ta, Tikhaoh ti a kua beih leipa hawhta na châ aw.

ZEREMIAH 31:12

A vy aw ei ta, Zaio tlâh sâhpa liata hla sapa ta awh aw ei ta, Abeipa phana vâta hmiakai ngaitapa ta ama y aw; Sâh zy, kresawhti zy, sathaw zy vâta Ama hmiakai aw ta; Mietaku dawpa nata viahchao dawpazy vâta Ama hmia a kai kaw aw. Ama hrona cha, Ti pie phapa sadô hawhta châ aw ta, Panao khao aw veih ei.

HÔSIA 6:3

Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

1 KAWRINI 6:13

“Niepa cha py châta châ ta, py cha niepa châta a châ,” châhrasala Khazohpa ta a pahleipadia raihrie aw. Pôhpa he apatlana moleina châta châ leipa ta, Abeipa châta tlao a châ, Abeipa chhao pôhpa châta a châ.

1 KAWRINI 7:34

a tao khohpazy â chakhia ha tyh. Vahpa a hnei leipa cha a pôhpa nata a thlahpa liata pathaihpa ta a y thei nawpa ta, Abeipa lâ hmo a pachâ tyh. Vahpa a hneipa deikua cha, a vahpa palysa a chhuahpa ta, khizaw hmo a pachâ tyh.

2 KAWRINI 1:22

Ano eih eima châpa miah ngiatuhpa chhao châ ta, bie ataihna châta a Thlahpa eima palôh liata miah pietuhpa a châ hra.

EPHESI 1:13

Nâmo chhao, nama pachhana thâtihpha biehmeiseihpa thei ei chi ta, namâ ngiapâ ha tawhta cha, ano liana chata bietai Thlahpa Pathaihpa ta pa-ipa nama châ.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.

BIEPHUAH 7:3

“Eima Khazohpa chakaotuhpazy ama khi liata eima chahnao hlâlei cha, alei nata tilaipi nata thokô zy parao mâh khuh vy,” tahpa ta awh ta.