HLAZY HLA 4:11 - Mara Bible RV (BSI)

¹¹ Hy keima myuh thieh, Na hmao tawhta pawti a thlaoh ta, Na paleih ry liata kheihti nata sâhpiti a y; Na chysia roh cha Lebanaw roh a lyu.

HLAZY HLA 4:11 ပူးပေါင်းရင်းမြစ်များ

ÂTHAONA 27:27

Zakaw ta a paw cha a kei hniapa ta, a pahnâ ta. Aisika ta a chysia roh thei ta, byhnâ awpa ta, “Ei sawchapawpa roh cha, Abeipa byhnâ piepa râh roh a châ.

HLAZY 19:10

Chazy cha ngôh hlâta kho a chhih via ei ta, Ngôh suapa hlâta ama sôh via; Kheihti hlâta thlôh via ei ta, Kheihthlawh hlâta ama thlôh via.

HLAZY 45:8

Na chysiazy cha ropahâhpa ta biepa ta, Deiryh, lilipaw nata lôiasoh rohzy ta bie ta, Sianaoh abei ozy tawhta Pyungiapa chhaichhi ri chhaopazy ta a cha palysa tyh.

HLAZY 92:13

Âmo cha Abeipa o liata lopazy châ ei ta, Eima Khazohpa o dôhpachhôh tlyhmia liata lochopa ta ama y.

BIESOZY 16:24

Bie phapa cha kheihthlawh hawh châ ta, Hro châta thlôh ta, ru châta hnatlâna a châ.

BIESOZY 5:2

Chatanachata novâhna hnei aw chi ta, Na hmaozy ta pahnona â vao aw.

BIESOZY 5:3

Chanô ngâchhih leipa hmao cha kheihti hawhta a thlaoh ta, A pakah chhao sathaw hlâta a pahnia via.

HLAZY HLA 4:10

Hy ei sietanô, keima myuh thieh, Na kyhpachâna khoiah a vaw hnei rimâ cha! Na kyhpachâna kresawhti hlâta pahâh via syulyu ta, Na sathaw ropahâhpa chhao, Ropahâhpa zydua hlâta a pahâh via.

HLAZY HLA 4:3

Na hmaozy pala saihlawpa lyu ta, Na pakah chhao kho â chhih ngaita. Nâ khuna poh ry liata na ôkhaihzy cha, Pawmikarânâ patlawpazy a lyu.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

HLAZY HLA 5:13

A ôkhaihzy cha ropahâhpa rakhôzy lyu ta, Sibie roh thlôhpa tlâh byuhpazy a lyu. A hmaozy cha lilipawzy lyu ei ta, Deiryh ti a thlaoh ngâpa hmaozy a châ.

HLAZY HLA 7:9

Na pakah cha kresawhti pahâh chaipa hawhta châ mawh sy. Ei pakah kresawhti cha, Ei lôhdupaw châta pahnia kawpa ta loh sala, A hmaozy nata a hâhzy chô liata loh zaolao mawh sy.

ISAI 7:15

Hmo chhiepa dythapa ta hmo phapa atlyhna châh a pahno tita cha, sâhpiti kuapa nata kheihti a nie tyh aw.

HÔSIA 14:2

Biezy a cheipa ta, Abeipa lâ kua u la, A hnohta hetana heta tah teh u: “Moleina zydua la khai la, Hmo phapa a pyh mah y; Viahchao tôhpa hlâ vyuhpa ta, Eima hmao bietaizy eima cha vaw hlâ.

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.