HLAZY HLA 3:6 - Mara Bible RV (BSI)

⁶ Deiryh nata sathaw ropahâhpa a thu ta, Sôhdaoh liata ropahâhpa paohzy a hniapa ta, Meikhuh a duahpazy hawhta, Râhchawhpa tawhta â vypa hao ahy ma a châ tly?

HLAZY HLA 3:6 ပူးပေါင်းရင်းမြစ်များ

PUASAINA 30:34

Abeipa ta Mawsi hnohta, “Ropahâhpa pahâh ngaitapa stâti, ônichâ nata kâbanu zy cha deiryh pasoh ngaitapa chhaota khopathliahna â khopa sai ta la aw chi ta,

BIESOZY 7:17

Deiryh ropahâhpa ta ei rakhô roh pahâhsa na ta, Lilipaw nata lôiasoh ropahâhpazy ei hry haw.

HLAZY HLA 1:13

Ei lôhdupaw cha kei châta, Ei sâhpizy likawh liata a hniehpa deiryh byh a châ.

HLAZY HLA 1:3

Na sathawzy chhao a roh a pahâh ngaita. Na moh cha sathaw ropahâhpa patlaipa hawhta châ ta, Chavâta laihsazy ta ama cha khoh ngaita.

HLAZY HLA 3:7

Moh tua u, Sawlawmaw amâ syna dyuchhai a châ huh! Pasaipha sycharu ta chadô ei ta, Izarei pasaiphazy ta ama chadô.

HLAZY HLA 4:6

Noh vaw nai ta, Nohawh tlâh a khô hlâlei cha, Deiryh tlâhpi lâ a chhei aw na ta, Ropahâhpa tlâhthlôh lâ ei chhei aw.

HLAZY HLA 5:13

A ôkhaihzy cha ropahâhpa rakhôzy lyu ta, Sibie roh thlôhpa tlâh byuhpazy a lyu. A hmaozy cha lilipawzy lyu ei ta, Deiryh ti a thlaoh ngâpa hmaozy a châ.

HLAZY HLA 5:5

Ei lôhdupaw ochhi pahypa awpa ta thyu na ta, Ochhi lâzy chô liata ei kuzy tawhta deiryh a thlaoh ta, Ei kuparozy tawhta deiryh tizy â thlaoh ngâ kaw.

HLAZY HLA 8:5

A lôhdupaw a vaw hnieh laihpa ta, Râhchawhpa tawhta â vypa hao ahy ma a châ tly? Epuh kô ry liata cha pahra na ta, Cha liata na nô cha na hnohta sawzeihpa ta y ta, Cha liata châ satuhpa cha sawzeihpa ta a y.

ISAI 43:19

Moh teh u, hmo thiehpa tao aw na ta, Tahmâ tlai chhao he y ha ta, Hmô veih ei chi ma? Râhchawhpa liata lâpi tao aw na ta, Râh raohpa liata chavahzy ei tao aw.

ZEREMIAH 2:2

“Sie la, Zerusale nah theina liata, Abeipa ta hetana a tah,” kei tah mah y: “Na thyutlia nota na ngâchhihzie kha a thei thlâh ha na ta, Myuh hawhta kyh eina pachâzie chhao chi kha ei thei thlâh haw; Râhchawhpa liata na zi laih chi ta, Chi chei leina râh liata chhao eina zi lymâ chi.

ZEREMIAH 31:2

Abeipa ta hetana heta a tah: “Zaozi ta thie bâhpazy cha, Râhchawhpa liata ngiachhiena ama to; Izarei ta apahâna tlua ta,

HÔSIA 9:10

Râhchawhpa liata kre thei hawhta Izarei cha hmô na ta; Theiku a daih tuapa ei mopa hawhta, Châ pathlatuhpazy kha ei moh ei. Châhrasala Bâlâpeô ama vaw tlôpa nahta, Nozachhihpa hmo lâta thlai ama tlei haw; Chavâta ama tlaichhaipa hmozy hawhta, Âmo chhao pasichhihpa ama châ haw.

MATHAI 2:11

O chhôh lâ a ngia ei ta, hawsaih cha a nô Mâri hnohta hmô ei ta, a bôhpa ta a naoh ei ta. Ama ryubyhzy pahy ei ta, hmosaipa ngôh, deiryh nata myrâ zy pie ei ta.

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.

PHILIPI 4:18

Châhrasala ato hnei na ta, ei hnei hluh ngaita. Epâpharôditâ ku liata hmosaipiepazy eina vaw paphaopa ei chi kha vaw hmô na ta, ei dôkhâ haw. Nama hmosaipiepazy kha atheihna a pyh tlâhpa nata Khazohpa a palysapa, ropahâhpa hmohlâpa a châ.

BIEPHUAH 12:14

Châhrasala chanô cha râhchawhpa liata a y nawpa su lâ â zaw thei nawpa ta, pahmôhpi lai ngaitapa mathlaw miano piepa châ ta, cha liata, parih ta a hmô thei khao leina liata kô thôh nata khophie chhôh pasapa a châ aw.

BIEPHUAH 12:6

Chanô cha Khazohpa ta ano châta â chhuahdypa su, râhchawhpa lâ a râ syulyu ha ta. Cha liata noh 1,260 chhôh pasapa a châ aw.

BIEPHUAH 18:13

lôiasohpa, ia-ô, ropahâhpa raopa, myrâ, sathaw ropahâhpa, kresawhti, sathaw, viahdie dipa, âtâ sâh, viahchao nata mietaku, arâ nata talailih zy nata sei ta chyhsa hrona ama zuapazy a chalei awpa y khao veih ei.

BIEPHUAH 5:8

Châbu chatypa a lapa nahta, hmohrohneipa miapalih nata machâ pakih nata papalihzy cha, totâ nata ngôh ropahâhpa ta a biepa ngôh biebuh a chaba chyupa ta, Mietakutaw hmiakô liata pao ei ta. Cha ropahâhpazy cha mopathaihpazy thlahchhâna a châ.