HLAZY HLA 3:4 - Mara Bible RV (BSI)

⁴ Âmo ei khôpa nah ei ta, Lôh rie ei ngiabâh chaipaw cha hmô na ta; Ei hmôpa nahta patu na ta, Ei nô o lâ ei chhi hlâlei cha, Nâ phaohtuhpa chhôhpadâhpa lâ ei chhi hlâlei cha, Pathlie khao va na.

HLAZY HLA 3:4 ပူးပေါင်းရင်းမြစ်များ

ÂTHAONA 32:26

Chyhsa chata, “Na pathlie teh, khih a deih haw hih,” tah ta. Zakaw ta, “Byhnâ eina awpa ha tua leipa chi ta la, cha pathlie aw va na,” tah ta.

BIESOZY 4:13

Pachuna cha khâchâ patu la, Papua khao khah y; Na hrona châ ta, Liahsa a vao ha mah y.

BIESOZY 8:17

Kyh nâ pachâtuhpazy cha ama kyh pachâ na ta, Palôh hmeiseihpa ta nâ tluapazy ta eina hmô ei.

HLAZY HLA 1:7

Nâ ei palôh ta a khopaw y, na chho teh, Khataih liata ma na mietaku zaw pasa chi ta, Khataih liata ma nohchhô ta na pabyusa tyh ei? Khazia ma pohluh a khupa chanô hawhta, Na viasazy mietaku zaw kiah liata ei y aw?

HLAZY HLA 6:12

Ei vaw pahno hmâ hlâta, Ei khona ta ei chiheih talailihzy liata na sopa ta, Bei talailihzy liata na vaw soh thlâh ha ta.

HLAZY HLA 7:5

Na luh cha Kâmel Tlâh lyu ta, Na sâphiehpa cha nohsaihpa hawh a châ. Na sâphiehpazy liata abei â ao haw.

HLAZY HLA 8:2

Châ chhi aw na ta, Nâ pachu tyhpa Ei nô o liata ei châ ngiakhei ha awpa tlai. Kresawhti ropahâhpa cha padosa aw na ta, Ei pawmikarânâ thei ti ei cha padosa awpa tlai.

ISAI 45:19

Lei zohpa liana heta, Arulâta bie reih beih leipa na ta; Zakaw chipathla hnohta chhao, ‘Hraoleipa ta na tlua teh,’ Tah beih va na. Kei, Abeipa he siana bie reih na ta, Biedopa a phuahpa ei châ.”

ZEREMIAH 29:13

Na tlua aw ei chi ta, nama pathipalôh zydua ta eina tlua ti ei chi ta cha, eina hmô aw ei chi.

CHAPHÔHTUNA 3:25

Abeipa cha ano a hâtuhpazy châta pha ta, Ano a tluatuhpa hro châta a pha.

MATHAI 28:9

Zisu ta âmo cha a vaw tyh ta, “Thlalôhna nama hnohta y mawh sy?” tah ta. A pachupazy cha a vy ei ta, a phei patu ei ta, Zisu cha a naoh ei ta.

MATHAI 7:7

“Hiah teh u, piepa nama châ aw. Tlua teh u, nama hmô aw. Chakhyh teh u, pahypa nama châ aw.

RAWMA 8:35

Krista kyhpachâna tawhta ahy miah pachhaih thei aw? Rietheina ta tlyma, pachârôhna ta tlyma, taolana ta tlyma, chakâhna ta tlyma, thluahruana ta tlyma, chichhihna ta tlyma, zaozi ta tlyma miah a pachhaih aw ma?

RAWMA 8:39

asâhna nata athuna tlyma, hmotaopa zydua liata hmo hropa khâpa ta hmah eima Beipa Krista Zisu liata a ypa Khazohpa kyhpachâna tawhta miah pachhaih thei aw vei tahpa a sia ngaitapa ta ei pahno.

KALATIA 4:26

Chô lâ Zerusale deikua cha, khotalaipa châ ta, ano cha keimo nô a châ,