HLAZY HLA 3:11 - Mara Bible RV (BSI)

¹¹ Hy Zaio zuahzy saih u, pua u la, Bei Sawlawmaw hao moh tua u. A lapi hnei noh châta a nô ta lakho a pakhopa a kho ta, A palôh thapha noh ta â kho awpa lakho a khopa ta â vy huh.

HLAZY HLA 3:11 ပူးပေါင်းရင်းမြစ်များ

HLAZY 48:11

Na ryureina dopazy vâta, Zaio Tlâh a ly sala, Zudâh sawchanôzy thaphapa ta y mawh ei sy!

HLAZY 9:14

Chatanachata nâma reithaina phuah aw na ta, Zaio sawchanô chhikaozy liata, Na pachhana ei ly aw.

HLAZY HLA 1:5

Hy Zerusale zuahzy saih u, Vyh kaw hraw sah la, Kho ei chhih kaw; Kedâ poh ozy lyu na ta, Sawlawmaw pohraipazy ei lyu.

HLAZY HLA 2:7

Hy Zerusale zuahzy saih u, Lyurâh sakhih nata sasu moh ta, Bie ei cha pataihsa ei; Ano tlai ta a khoh hlâlei la, Kyhpachâna cha a tha pathyu leipa u la, Pahra hra khuh vy.

HLAZY HLA 7:11

Ei lôhdupaw, a vy mah y, Râh lâ sie ei sih la, Henâ buhzy hry liata a kei rie khoh suh vy.

HLAZY HLA 8:5

A lôhdupaw a vaw hnieh laihpa ta, Râhchawhpa tawhta â vypa hao ahy ma a châ tly? Epuh kô ry liata cha pahra na ta, Cha liata na nô cha na hnohta sawzeihpa ta y ta, Cha liata châ satuhpa cha sawzeihpa ta a y.

ISAI 4:4

Abeipa ta Zaio sawchanôzy thuhnyna cha pathai aw ta, Zerusale liata thisaih a kiahpazy cha pachiana thlahpa nata mei thlahpa ta a pasi aw.

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

ISAI 62:5

Satlia ta laihsa kôpa a hneipa hawhta, Na sawchapawzy ta cha hnei aw ei ta; Myuhneituhpa ta myuh â lypa hawhta, Na Khazohpa ta a châ ly aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 2:2

“Sie la, Zerusale nah theina liata, Abeipa ta hetana a tah,” kei tah mah y: “Na thyutlia nota na ngâchhihzie kha a thei thlâh ha na ta, Myuh hawhta kyh eina pachâzie chhao chi kha ei thei thlâh haw; Râhchawhpa liata na zi laih chi ta, Chi chei leina râh liata chhao eina zi lymâ chi.

ZEREMIAH 32:41

Ama phana taopa cha ei lyna châ aw ta, ei palôh nata ei hro zydua ta he râh liata ngâchhihpa ta ei loh aw ei.

ZEPHANIA 3:17

Abeipa na Khazohpa cha na hnohta y ta, Khazoh thatlôpa ta a cha pachha aw. Na chô liata a thapha aw ta, A palôh a tlâh aw; A kyhpachâna ta thlah cha palôh aw ta, Na chô liata â lyna hla a sa aw.’

ZEKARIA 6:11

Tâkâ nata ngôh zy cha cheih la, beilakhozy tao aw chi ta, Zehôzadâ sawchapawpa theihthai beichaipa Zawsua luh liata na pakho aw.

MATHAI 12:42

Chho beinô chhao, pachiana noh liata, he chhâ nata vaw thyu khoh aw ta, he chhâ he thailei a pachâsa aw. Sawlawmaw sona nathlie awpa ta hmah, khizaw chhâna tawhta a vy ta, moh teh u, Sawlawmaw hlâta rônah viapa he liata a y.

LUKA 15:32

Kyhchhi tao ta thapha ngaitapa ta y awpa cha â phuhpa rai a châ. He na nawhta he cha thi ha ta, a vaw hroh ha heih hih. Lei ha ta, eima hmô ha heih hih,’ a tah aw,” tah ta.

ZAWHÂNA 15:11

Ei lyna nâmo liata y thlâh ha sala, namâ lyna â ki nawpa ta, he biezy he nama hnohta ei reipa a châ.

ZAWHÂNA 3:29

Myuh a hneipa cha myuhneituhpa a châ. Myuhneituhpa viasa, myuhneituhpa pahnokhei awpa ta a duahpa cha, myuhneituhpa ao a theipa ta a palysa ngaita. Chavâta tahmâ ei lyna pakipa a châ haw.

KAOLAOSÂ 1:18

Awnanopa cha a pôhpa châ ta, ano cha Awnanopa luh a châ. Ano cha âthaona châ ta, athihpazy hry tawhta a thyu tuachaipa sawchapaw uhtheipa châ ta, ato liata a y tua chaipa a châ.

HEBRAI 13:13

Chavâta riehmo khôtho liata ano yna lâ pua sih la, reipachhiena a phaopazy cha phaokhei suh u.

HEBRAI 2:9

Châhrasala bohpi leipa chhôh vâlyuhchâpazy hlâta a hnai viapa ta tao chypa Zisu cha, thina pasa a taopa vâta, tahmâ cha rônahna nata palyupalihna lakho pakhopa ta a ypa hmô pi ta, Khazohpa ngiachhiena zawhzi ta chyhsa to châta thina a padi haw.

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.

BIEPHUAH 19:12

A mokhaohzy cha meipaleih lyu ta, a luh liata lakho hluhpi a kho ta, moh ropa, ano dei leipa ta ahy hmah ama pahno leipa a hnei.

BIEPHUAH 19:7

Alypa nata thaphapa ta y sih la, Ano palyupalih suh u; Mietakutaw myuh hneina vaw tlô ha ta, A myuh chhao â mâ haw.