HLAZY HLA 3:1 - Mara Bible RV (BSI)

¹ Zâ ta khôpheih chô tawhta rohpadypa ta, Lôh rie ei ngiabâh chaipaw cha tlua na ta, Tlua na ta, châhrasala hmô va na.

HLAZY HLA 3:1 ပူးပေါင်းရင်းမြစ်များ

HLAZY 22:2

Hy ei Khazohpa, nohchhô ta awh na ta, Châhrasala nâ chhy va chi; Zâ ta chhao awh na ta, Apahâna hmô va na.

HLAZY 4:4

Nama hiehâh sala, Molei deikua molei khuh vy; Nama rakhô chô liata nama palôh ta pachâ u la, A chalihsai thlâh ha muh vy. Selah

HLAZY 6:6

Ei hrôna ta ei thachhâ ta, Zâ chareih ei rakhô liata mothlih tipaua tlô ta, Ei khôpheih chana mothlih ta ei padâ khai ha tyh.

HLAZY HLA 1:7

Nâ ei palôh ta a khopaw y, na chho teh, Khataih liata ma na mietaku zaw pasa chi ta, Khataih liata ma nohchhô ta na pabyusa tyh ei? Khazia ma pohluh a khupa chanô hawhta, Na viasazy mietaku zaw kiah liata ei y aw?

HLAZY HLA 5:6

Ei lôhdupaw cha ochhi pahypa na ta, Châhrasala ei lôhdupaw cha a lie ta, Sihnôh a kua syulyu haw. A bie reipa ta ei palôh pakeichheih ta, Tlua na ta, châhrasala hmô khao va na; Aw na ta, châhrasala na chhy khao vei.

HLAZY HLA 5:8

Hy Zerusale zuahzy saih u, Bie ei cha pataihsa ei; Ei lôhdupaw kha nama hmô khiahta cha, Vâiana vâta na a pasa tahpa na vaw chhopa muh vy.

ISAI 26:9

Ei hro ta zâ ta cha vâ ta, Ei chhôh liata ei thlahpa ta mydi ta a cha pado tyh. Na pachianazy alei chô liata a vaw tlôna maihta, Khizaw chyhsazy ta siana amâ chu tyh.

ISAI 55:6

“Hmô thei awpa ta a y nota Abeipa cha tlua u la, Â hnia nona heta aw teh u!

LUKA 13:24

“Chhikao buahpa liata a ngia a chhuah lylia teh u. Ei cha chho ei, chyhsa hluhpi ta a ngia a chhuah aw ei ta, a ngia thei aw veih ei.

ZAWHÂNA 11:29

Cha bie cha a thei nahta, Mâri cha thlai thyu ta, Zisu lâ vawh ta.

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,