HLAZY HLA 2:4 - Mara Bible RV (BSI)

⁴ Kyhchhina o lâ nâ chhi ta, Ei chô liata kyhpachâna poh eina zawhpa.

HLAZY HLA 2:4 ပူးပေါင်းရင်းမြစ်များ

ESTHERI 7:7

Abei cha pathi ia ngaitapa ta kresawhti dona tawhta thyu ta, abei sadô lâ vawh ta. Hâmâ deikua cha, abei ta a chô liata kupathla khâchâ â chhuah haw tahpa a pahnopa vâta, a hrona pahlôh awpa ta Beinô Estheri hiah awpa ta y patlua ta.

ZAWBÂ 1:10

Ano nata a olyu nata a hneipa zydua diahpai chhôh khâh chi ta na pabohsa hapa vâta châ vei ma? A ku raihria liata byhnâ pie chi ta, he râh liana heta a hneinazy a pôh lymâ.

HLAZY 20:5

Na pachhana liata a lypa ta awh sih la, Eima Khazohpa moh ta pahniena pohrai chaluahpa ta, Abeipa ta na hiapa zydua hlao cha patloh mawh sy!

HLAZY 60:4

Nâma châ chituhpazy châta pohraipa parai chi ta, Libaw tawhta amâ râ nawpa na taopa ei. Selah

HLAZY 84:10

Na dôhpachhôh tlyhmia liata noh kha ypa cha, Su hropa liata noh sâh kha ypa hlâta a pha via. Moleipa poh o liata pahrâpa hlâta cha, Ei Khazohpa o chhikao vaituhpa châ awpa ei khoh via.

HLAZY HLA 1:1

He he hlazy hry liata hla pha chaipa, Sawlawmaw hlazy a châ.

HLAZY HLA 1:4

Na ku ta nâ kei la, A râ ei suh u. Abei ta a chhôhpadâhpazy lâ einâ ngiakhei haw. Nâ liata a lypa ta eima thapha aw ta, Na kyhpachâna cha kresawhti hlâta eima cheihchalo via aw; Ama cha khoh kaw saipa he â vaw do tlai na.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

HLAZY HLA 6:4

Hy ei lôhdunô, Tizah hawhta a ngiapa ta, Zerusale hawhta kho a chhih chi ta, Pohraipazy a chaluahpa pheisaih hri hawhta, Hihâ na hnei ngaita.

ISAI 11:10

Cha noh liata, Zese thari cha phopizy châta ngiana poh hawhta a duah aw ta, râhzy ta a thâtih patluah aw ei ta, â pahâna su cha a rônah ngaita aw.

BIEPHUAH 3:20

Nathlie teh, ochhi thaby liata a duah na ta ei chakhyh. Ahy rai ei ao thei ta, ochhi a pahy khiahta cha, ano liata a ngia aw na ta, a hnohta pati nie aw na ta, ano chhao ei hnohta a nie hra aw.