HLAZY HLA 2:16 - Mara Bible RV (BSI)

¹⁶ Ei lôhdupaw cha kei eih châ ta, Kei chhao ano eih ei châ; Ei lôhdupaw cha lilipawzy hry liata A mietaku zawzy a patlaihsa tyh.

HLAZY HLA 2:16 ပူးပေါင်းရင်းမြစ်များ

HLAZY 48:14

Ano cha Khazohpa cha châ ta, Chhâzaw nata tlyzaw ta eima Khazohpa a châ; Thina khô lâ taihta miah a chhihtha aw.

HLAZY 63:1

Hy Khazohpa, nâ cha ei Khazohpa châ chi ta, Hmeiseihta ta ei cha tlua; Ti y leina râh raohpa nata riethei thachhâna râh liata, Nâma vâpa ta ei hro dâhphi ta, Nâma vâpa ta ei sapa a panao.

HLAZY HLA 1:7

Nâ ei palôh ta a khopaw y, na chho teh, Khataih liata ma na mietaku zaw pasa chi ta, Khataih liata ma nohchhô ta na pabyusa tyh ei? Khazia ma pohluh a khupa chanô hawhta, Na viasazy mietaku zaw kiah liata ei y aw?

HLAZY HLA 2:1

Saraw rôspaw châ na ta, Saikao lilipaw ei châ.

HLAZY HLA 4:5

Na sâhpi mianozy cha sakhih taw pô no lyu ei ta, Lilipawzy hry liata a tlaihpa Sakhih taw maphieh tlai ama lyu.

HLAZY HLA 6:2

Ei lôhdupaw cha a sadô lâ sie ta, Ropahâhpa rakhôzy yna lâ a sie haw. A sadô liata a mietaku zaw patlaihsa awpa ta sie ta, Lilipawzy lyu awpa ta a sie haw.

HLAZY HLA 6:3

Ei lôhdupaw eih châ na ta, Ei lôhdupaw chhao kei eih a châ; Ei lôhdupaw cha lilipawzy hry liata A mietaku zawzy a patlaihsa tyh.

HLAZY HLA 7:10

Ei lôhdupaw eih châ na ta, A khona chhao keima châta a châ.

HLAZY HLA 7:11

Ei lôhdupaw, a vy mah y, Râh lâ sie ei sih la, Henâ buhzy hry liata a kei rie khoh suh vy.

HLAZY HLA 7:13

Hy ei lôhdupaw y, Khoiahzy ta ropahâhpa papua ei ta, Eima ochhizy kiah liata theilâ pahâhpa to y ta, Theilâ thiehpa nata theilâ hlôpazy, Nâma châta ei cha sopa thlâh ha lah y.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.