HLAZY HLA 1:4 - Mara Bible RV (BSI)

⁴ Na ku ta nâ kei la, A râ ei suh u. Abei ta a chhôhpadâhpazy lâ einâ ngiakhei haw. Nâ liata a lypa ta eima thapha aw ta, Na kyhpachâna cha kresawhti hlâta eima cheihchalo via aw; Ama cha khoh kaw saipa he â vaw do tlai na.

HLAZY HLA 1:4 ပူးပေါင်းရင်းမြစ်များ

HLAZY 111:4

Hmonoâhpa a taopazy cha khâ a thei thlâh awpa ta tao ta, Abeipa cha ngiachhiena nata zawngiahna a hneipa a châ.

HLAZY 119:32

Ei palôh na pahy kawh tita, Na biepiepazy lâpi a chhipa ta ei râ aw.

HLAZY 119:60

Na biepiepazy zyh awpa ta, Hawh leipa ta ei para tyh.

HLAZY 149:2

Izarei cha a Taotuhpa chô liata a thapha sala, Zaio sawzy cha ama Beipa chô liata a ly mawh ei sy!

HLAZY 42:4

Ei hro ei palâhâh nahta, He hmozy he ei thei tyh: Zasâh manôhzy hnohta sie hrapa ta, Khazohpa o lâ a pangaipazy chhihtha tyh ei na ta; Thaphapa ta awh ta alyna bie reina chôta, Kyhchhi a hmâhpazy ei chhihtha tyh ei.

HLAZY 48:9

Hy Khazohpa y, nâma Achhyna o chhôh liata Na kyhpachâna tleih beih leipa eima pachâ tyh.

HLAZY 63:5

Sa thawhpa nata nie pahâhpa nie nota lôhrâtlôpa hawhta, Ei hro he nâma liata a lôhrâtlô aw ta, Ei pakah ta thaphana hmao ta a cha reithai aw.

HLAZY HLA 3:4

Âmo ei khôpa nah ei ta, Lôh rie ei ngiabâh chaipaw cha hmô na ta; Ei hmôpa nahta patu na ta, Ei nô o lâ ei chhi hlâlei cha, Nâ phaohtuhpa chhôhpadâhpa lâ ei chhi hlâlei cha, Pathlie khao va na.

HLAZY HLA 4:10

Hy ei sietanô, keima myuh thieh, Na kyhpachâna khoiah a vaw hnei rimâ cha! Na kyhpachâna kresawhti hlâta pahâh via syulyu ta, Na sathaw ropahâhpa chhao, Ropahâhpa zydua hlâta a pahâh via.

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ISAI 45:25

Izarei chipathla zydua deikua cha, Abeipa liata thai pachâsapa châ aw ei ta, Rônahpa ta ama y aw.’”

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

ISAI 63:7

Abeipa cha ato miah pietuhpa châ ta, A zawngiahna nata a ngâchhihna lymâ hawhta, Izarei chô liata a pha ngaitapa a châ; Chavâta Abeipa ngâchhihna cha, Khâ a thei aw na ta; Abeipa reithainazy cha, Khâ ei thei thlâh ha aw.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

HÔSIA 11:4

Phana chaori ta a chhi ei na ta, Kyhpachâna bâlia ta ei chahry ei. Ama raopaky pahluhpa ei na ta, Âmo lâ a bôh na ta pati ei paniesa ei.

ZEPHANIA 3:14

Hy Zaio Sawchanô y, hla sa la, Hy Izarei, thata awh teh! Hy Zerusale Sawchanô, Na pathipalôh zydua ta a ly la, Thaphapa ta y mah y!

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MATHAI 25:10

Chalei awpa ta ama vawh chhôh ta myuhneituhpa cha vaw tlô ha ta, a mâ chiehpazy cha ano nata kialao nie awpa ta a ngia ei ta, ochhi khaw ha ei ta.

LUKA 2:10

Vâlyuhchâpa ta ama hnohta, “Chi khah u la, nathlie teh u, mo to châta thâtihpha lychhih ngaitapa ei cha vaw tlôkheipa ei.

LUKA 22:19

Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.

ZAWHÂNA 12:32

Kei he alei tawhta chaluahpa ei châ tita, chyhsa zydua kei lâta ei sy aw ei,” tah ta.

ZAWHÂNA 6:44

Nâ tuahtuhpa Paw ta a sy vei khiahta la, ahy hmah kei lâ a vy thei aw veih ei. Kei lâ a vypa cha noh chhâna noh liata ei pathyu aw.

EPHESI 2:6

Krista Zisu hnohta miah pathyu ta, avâ suzy liata ano hnohta miah a patyusa haw.

EPHESI 6:24

Kyhpachâna dia beih leipa ta eima Beipa Zisu Krista kyh pachâtuhpa zydua hnohta ngiachhiena y mawh sy.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

PHILIPI 4:4

Abeipa liata khâ a ly teh u; ei tah heih aw, a ly teh u.

HEBRAI 12:1

Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,