HLAZY HLA 1:3 - Mara Bible RV (BSI)

³ Na sathawzy chhao a roh a pahâh ngaita. Na moh cha sathaw ropahâhpa patlaipa hawhta châ ta, Chavâta laihsazy ta ama cha khoh ngaita.

HLAZY HLA 1:3 ပူးပေါင်းရင်းမြစ်များ

HLAZY 133:2

Adyhna cha luh liata sathaw sôh ngaitapa a thupa hawhta châ ta, Kâhhmi liata za loh laih ta, Arawna kâhhmi lia tlai ta za lohpa ta, A viahkao pasipa rao taihta a zâ lohpa hawhta a châ.

HLAZY 45:14

Kiky zeipa pohzy a bupa ta, Abei lâ a chhipa châ ta, A viasa laihsa kôpazy ta ano cha ama pazi.

PUASAINA 33:12

Mawsi ta Abeipa hnohta, “Nâ ta ei hnohta, ‘He phopi he a chhi teh,’ tah chi ta, châhrasala nâ sielâh awpa chyhsa na chho tlôh leipa chi ta. Cha leipa chhao ta, ‘Na moh ta cha pahno na ta, nâ chhao ei modypa ta na y hra,’ na tah chi ta.

PUASAINA 33:19

Abeipa ta, “Ei phana zydua na hmiakô liata vaw pasiesa aw na ta, ei moh Zehôvâh cha na hmiakô liata ei phuah aw. Ei ngiachhie awpa chyhsa cha ngiachhie aw na ta, zawh ei ngiah awpa chyhsa cha zawh ei ngiah aw,” tah ta.

BIESOZY 27:9

Sathaw nata ropahâhpa ta palôh palysa ta, Viasa ryhraokheina bie phapa chhao a thlôh ngaita.

BIECHHOTUHPA 7:1

Sathaw sôhpa hlâta moh phana pha via ta, Pi noh hlâta thi noh a pha via.

HLAZY HLA 3:6

Deiryh nata sathaw ropahâhpa a thu ta, Sôhdaoh liata ropahâhpa paohzy a hniapa ta, Meikhuh a duahpazy hawhta, Râhchawhpa tawhta â vypa hao ahy ma a châ tly?

HLAZY HLA 4:10

Hy ei sietanô, keima myuh thieh, Na kyhpachâna khoiah a vaw hnei rimâ cha! Na kyhpachâna kresawhti hlâta pahâh via syulyu ta, Na sathaw ropahâhpa chhao, Ropahâhpa zydua hlâta a pahâh via.

HLAZY HLA 5:13

A ôkhaihzy cha ropahâhpa rakhôzy lyu ta, Sibie roh thlôhpa tlâh byuhpazy a lyu. A hmaozy cha lilipawzy lyu ei ta, Deiryh ti a thlaoh ngâpa hmaozy a châ.

HLAZY HLA 5:5

Ei lôhdupaw ochhi pahypa awpa ta thyu na ta, Ochhi lâzy chô liata ei kuzy tawhta deiryh a thlaoh ta, Ei kuparozy tawhta deiryh tizy â thlaoh ngâ kaw.

HLAZY HLA 6:8

Beinô sycharu nata nôtho sycharie y ei ta, Laihsa kôpa rei tiah lei ama y.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

MATHAI 25:1

“Cha noh liata, vârâh khinarâh cha laihsakôpa pahrawh, ama meiôh a cheipa ta myuhneituhpa dy awpa ta a puapazy hawhta a châ aw.

ZAWHÂNA 12:3

Mâri ta spinâ thaw ropahâh ngaitapa ôh kha vaw cheih ta, Zisu phei liata thu ta, a sâ ta a pheizy cha hru ta. O cha sathaw ropahâhpa ta bie khai ha ta.

2 KAWRINI 11:2

Vahpa pakha, Krista tlai cha, châ pahawhpa ei na ta, ano châta laihsa kôpa pathaihpa châ awpa ta a hnohta ei hlâ hapa nama châpa vâta, Khazohpa hiatliana ta ei hia ei cha tlia ei.

PHILIPI 4:18

Châhrasala ato hnei na ta, ei hnei hluh ngaita. Epâpharôditâ ku liata hmosaipiepazy eina vaw paphaopa ei chi kha vaw hmô na ta, ei dôkhâ haw. Nama hmosaipiepazy kha atheihna a pyh tlâhpa nata Khazohpa a palysapa, ropahâhpa hmohlâpa a châ.

BIEPHUAH 14:4

Cha chyhsazy cha chanô liata a papua leipa, chapaw kôpazy ama châ. Mietakutaw siena lâ maih a zituhpazy châ ei ta, Khazohpa châta nata Mietakutaw châta a pathei tua chaipazy châ awpa ta, chyhsa hry tawhta chatlaipazy ama châ.