HLAZY HLA 1:12 - Mara Bible RV (BSI)

¹² A rakhô liata abei â tyu nota, Ei spinâ sathaw ropahâhpa ta a charao.

HLAZY HLA 1:12 ပူးပေါင်းရင်းမြစ်များ

HLAZY 45:1

Ei palôh he bie thlôhpa ta khô pathlah ta, He hla châhzy ta abei cha hla phi na ta, Ei paleih he chârohtuhpa phapa châsôh hawhta a châ.

HLAZY HLA 1:11

Ngôh pachhih cha taopa aw pi ta, Tâkâ pataih pâpa pachhih eima cha taopa aw.

HLAZY HLA 7:5

Na luh cha Kâmel Tlâh lyu ta, Na sâphiehpa cha nohsaihpa hawh a châ. Na sâphiehpazy liata abei â ao haw.

MATHAI 22:11

“Abei cha kyhchhi a hlaopazy moh awpa ta a vaw ngia ta, cha liata chyhsa pakha ahneina chysia a tobi leipa hmô ta,

MATHAI 22:4

Chakaotuhpa hropazy tuah heih ta, ama hnohta, ‘Hruapazy hnohta kei chho u la, “Kyhchhi cha â mâ haw, ei viahchao tôhpazy nata ei sahroh thawhpazy thie na ta, ato â mâ haw, kialao nie awpa ta a vy teh u,” tahpa ta kei chho teh u,’ tah ta.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

MÂKA 14:3

Bethâni liata phawhpa Saimaw o liata pati a dôh hai nota, chanô pakha ta spinâ suapa ta taopa alabastâ sathaw sôh ngaitapa ôh vaw cheih ta, sathaw ôh cha pakei ta, Zisu luh liata bao ta.

ZAWHÂNA 12:3

Mâri ta spinâ thaw ropahâh ngaitapa ôh kha vaw cheih ta, Zisu phei liata thu ta, a sâ ta a pheizy cha hru ta. O cha sathaw ropahâhpa ta bie khai ha ta.

PHILIPI 4:18

Châhrasala ato hnei na ta, ei hnei hluh ngaita. Epâpharôditâ ku liata hmosaipiepazy eina vaw paphaopa ei chi kha vaw hmô na ta, ei dôkhâ haw. Nama hmosaipiepazy kha atheihna a pyh tlâhpa nata Khazohpa a palysapa, ropahâhpa hmohlâpa a châ.

BIEPHUAH 3:20

Nathlie teh, ochhi thaby liata a duah na ta ei chakhyh. Ahy rai ei ao thei ta, ochhi a pahy khiahta cha, ano liata a ngia aw na ta, a hnohta pati nie aw na ta, ano chhao ei hnohta a nie hra aw.