HLAZY 98:1 - Mara Bible RV (BSI)

¹ Abeipa lâ hla thiehpa sa teh u! Ano cha hmonoâhpazy taotuhpa châ ta, A ku chachâh lâ nata a bâh pathaihpa ta pahniena a to haw.

HLAZY 98:1 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ZAWBÂ 40:9

Khazohpa bâh hawhpa bâh na hnei ma? Ano ao hawhta tôkalôhpa a thuapa ao na papua thei ma?

HLAZY 105:5

A hmotao noâhpazy a thei thlâh ha u la, A hmonoâhpazy a theipa ta, A pachiana biezy a thei thlâh ha teh u.

HLAZY 136:4

Hmonoâh rônahpazy taotuhpa a y chhôhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 139:14

Chichhihpa ta taopa châ na ta, Noâchhihpa ta taopa ei châpa vâta, Ei cha reithai. Na hmotaopazy cha noâh a chhih ngaita ei ta, Cha cha ei hro ta a pahno pasia.

HLAZY 149:1

Abeipa cha reithai teh u! Abeipa lâta hla thiehpa sa u la, Mopathaihpazy pakhypi liata a reithaina hla sa teh u!

HLAZY 33:3

Ano lâta hla thiehpa sa u la, Thai kawpa ta totâzy tôpa ta, Pyu paro kawpa ta tô teh u.

HLAZY 72:18

Abeipa, Izarei Khazohpa cha, Reithaipa ta y mawh sy; Ano deita he hmonoâhpazy taotuhpa a châ.

HLAZY 77:14

Nâ cha hmonoâhpa a taotuhpa Khazohpa châ chi ta, Phopizy hry liata na thatlôna na palâsa haw.

HLAZY 86:10

Nâ cha rônahpa nata hmonoâh taotuhpa châ chi ta, Nâma deita he Khazohpa na châ.

HLAZY 89:14

Siana nata adona cha na beidyuchhai abôna châ ta, Kyhpachâna nata ngâchhihna na hmia lâta ama sie.

HLAZY 96:1

Abeipa lâ hla thiehpa sa u la, Leilô zydua saih u, Abeipa lâ sa teh u!

HLAZY 96:3

Râhzy liata a rônahzie phuah u la, Phopi zydua hnohta a hmotao noâhpazy phuah teh u!

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 15:6

Hy Abeipa, na ku chachâh lâ liata hmotaotheina rônahpa y ta, Hy Abeipa, na ku chachâh lâta khakhaipa a chaphie khai haw.

ISAI 12:5

A hmo rônahpa taopazy vâta, Abeipa lâ reithaina hla sa u la, Cha cha khizaw zydua liata pahnosapa châ mawh sy.

ISAI 42:10

Nâmo, tilaipi lâ zu ei chi ta, Cha liata a ypa zydua saih u, Nâmo, tilaipi kiah râhzy nata a chyhsazy saih u, Abeipa lâ hla thiehpa sa u la, A reithaina hla alei chhâna tawhta sa teh u.

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ISAI 59:16

Tlybaipazy a bao awpa chyhsa y leipa ei ta, Âmo châta thlah a chhâ awpa a hmô leipa vâta, Abeipa cha noâh a tah ngaita. Chavâta ano bâh tlai ta a pachhana patlôsa ta, Ano siana tlai ta a bao ei.

ISAI 63:5

Mohmia pasaih na ta, Châhrasala nâ bao awpa y veih ei; Chi ngaita na ta, Châhrasala nâ duakhei awpa y veih ei. Chavâta pachhana cha, Keima bâh tlai ta na vaw tlôkheipa ta; Keima pathiiana tlai ta einâ duakhei.

ZEREMIAH 31:22

Hy sawchanô hnôhsypa, Khati taih ma noraihpa ta na y aw? Abeipa ta alei liata hmo thiehpa tao ta, Chanô ta chapaw tlao a pabohsa ha hih.”

LUKA 1:49

Atotaotheipa ta hmo rônahpa na taopa ta, A moh cha pathaihpa a châ.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

HMOTAOPAZY 19:20

Cha hawhna chata Abeipa bie cha pathâh via rilipa ta, a thatlô via lymâ ta.

HMOTAOPAZY 2:11

Zu chyhsa nata Zu phohlypazy a pahlao pi ta, Krite mozy nata Arabia mozy chhao y hra ei ta, kheihtazie ta Khazohpa hmotao rônahpazy ama reipa eima reih chyu ta eima thei khai thlâh haw?” tah ei ta.

KAOLAOSÂ 2:15

Krista ta ryureituhpazy nata biehneituhpazy cha ama châna pahluh ta, kraws liata âmo cha pahniepa ta, â lâhâhpa ta maophyuhpa ta a tao ha ei.

BIEPHUAH 14:3

Beidyuchhai hmiakô nata hmohrohneipa miapalih nata machâzy hmiakô liata hla thiehpa sa ei ta. Alei tawhta chatlaipa chyhsa 144,000 zy dei leipa ta cha, ahy hmahta cha hla cha sa thei veih ei.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 3:21

Pahniena to na ta, ei Paw hnohta a beidyuchhai liata ei tyupa hawhna heta, pahnietuhpa cha ei beidyuchhai liata ei hnohta ei patyusa aw.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.

BIEPHUAH 6:2

Kaw moh na ta, arâ râhpa hmô na ta. A chô liata a kiahpa cha libaw a chaba ta, a hnohta lakho piepa châ ta, pahnietuhpa châ awpa nata pahnie lymâ awpa ta pua ha ta.