HLAZY 95:5 - Mara Bible RV (BSI)

⁵ Ano taopa a châpa vâta, Tilaipi chhao ano eih châ ta; Alei hipa chhao, A ku ta a taopa a châ.

HLAZY 95:5 ပူးပေါင်းရင်းမြစ်များ

HLAZY 107:24

Abeipa hmotaopazy hmô ei ta, Ti athupa liata a hmotao noâhpazy ama hmô.

HLAZY 146:6

Abeipa cha avâ nata alei taotuhpa châ ta, Tilaipi nata a chhôh liata a ypa zydua a taotuhpa chhao châ ta, Tlyzaw ta biehmeiseihpa a vao thlâhpa a châ.

HLAZY 33:7

Tilaipi tizy su kha ta pahmaoh ta, Ti athupazy cha hmosopakhyna suzy liata a sohpakhy.

BIESOZY 8:26

Leilô nata lyurâhpazy a tao hlâta pih ha na ta, Khizaw dohlei hmiatuachaipa a y hlâta ei pih haw.

BIESOZY 8:29

Tizy ta a biepiepa ama parao lei nawpa ta, Tilaipi râhrizy taopa ta leilô abôna a tao no khata ei y haw.

ZEREMIAH 5:22

Na chi aw veih ei chi ma? Ei hmiakô liata a chalyu aw vei ei chi ma? Kei he tilaipi râhri châta sadi a sohtuhpa châ na ta, Tilaipi a khô lei nawpa ta, Chhâzaw pakhâna châta sadi a sohtuhpa ei châ. Tichatlaopazy a chatlao ngâ kaw hra ei sala, Râhri khô thei leipa ei ta; A aoh ngâ kaw hra ei sala, Râhri siepakhô thei veih ei,” Abeipa ta a tah.

ZAWNA 1:9

Zawna ta âmo cha a chhy ta, “Hebrai chyhsa châ na ta, Abeipa, avâ Khazohpa, tilaipi nata alei hipa a taotuhpa a chipa ei châ,” tah ta.