HLAZY 95:11 - Mara Bible RV (BSI)

¹¹ Chavâta pathi iapa ta bie a taih na ta, “Ei pahâna liata a ngia aw veih ei,” Ei vaw tah hapazy ama châ.

HLAZY 95:11 ပူးပေါင်းရင်းမြစ်များ

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

EZEKIA 13:9

Aluahna phichhyhpa a hmôpa nata haipa ta a pachaopadâhpa hrohsopazy chô liata ei ku ei hy aw. Ei phopi pakhypi liata a hlao leipa aw ei ta, Izarei pathlazy moh rona liata ropa châ hra leipa aw ei ta, Izarei râh a ngia aw veih ei. Chatanachata Abeipa Zehôvâh ei châ tahpa nama pahno aw.

MALUHREINA 14:23

Âmo pathlatuhpazy hnohta bie ei taihpa râh cha hmô aw veih ei; nâ mohnaopazy chhao hmô hra aw veih ei.

RYHPACHANEINA 12:9

Abeipa nama Khazohpa ta a pahâ nawpa nata ryu châta a cha piepa ei râh nama tlô mâh leipa vâta.

HEBRAI 3:11

Pathi iapa ta bie ei taihpa hawhta, ‘Ei pahâna liata a ngia aw veih ei,’” tah ta.

HEBRAI 3:18

 pahâna liata a ngia lei awpa ta bie â taihpazy kha ahyzy ma ama châ? Reingiah leipazy kha châ veih ei ma?

HEBRAI 4:3

Keimo, ngiapâ hapazy pi he, cha apahâna liata a ngiapazy cha eima châ. Leilô bô tua no tawhta raizy paloh hapa a châ tarawpa ta, hetana heta a tah: “Hiehâpa ta bie ei taih hapa hawhta, ‘Ei pahâna liata a ngia aw veih.’”

HEBRAI 4:5

Rei chiehpa liana khata, “Ei pahâna liata a ngia aw veih ei,” tah heih ta.

BIEPHUAH 14:13

Chatawhcha avâ tawhta ao ta, “Hetana heta roh teh: Tahmâ tawhta la, Abeipa liata athipazy ama nohlao aw,” a tahpa thei na ta. Thlahpa ta, “A châ na, ama hriapasanazy a pahâsai aw ei ta, ama hmotaopazy ta a zi aw ei!” tah ta.