HLAZY 94:20 - Mara Bible RV (BSI)

²⁰ Ryureihtuh moleipazy ta ama cha hrialâh thei aw ma? Hmo doleipa bieraopa ta a taopazy ta ama cha hrialâh thei aw ma?

HLAZY 94:20 ပူးပေါင်းရင်းမြစ်များ

1 ABEIZY 12:32

Zudâh râh liata kyhchhi ama hnei tyhpa hawhta, thla chariena, noh hrawh hleipangawhna noh cha, Zerôbaw ta kyhchhi noh ta rao hra ta, maisâh liata atheihnazy a hlâ tyh. Cha hawhna chata Bethel liata tao ta, viahchaotaw nothlahpa a taopazy lâ cha atheihnazy hlâ ta. Su sâhpa a paduapa châta theihthaipazy cha Bethel liata soh ta.

HLAZY 50:16

Moleipa hnohta deikua cha, Kha­zopa ta hetana heta a tah: “Ei bieraopa bievaopa ta reih ta, Ei biehrai na hmaozy ta reih awpa ta, Khâpa biehneina ma na hnei tly?

HLAZY 52:1

Hy chyhsa thatlôpa, khazia hmo pha leipa nâ palaikhei tly? Khazohpa phana cha noh y ta y tlôh ta.

HLAZY 58:2

Châ bao va, nama palôh ta hmo doleipa tao ei chi ta, Nama ku ta alei chô liata thachahra a hmâh tyh.

HLAZY 82:1

Khazohpa ta vâ pakhypi rônahpa chhihtha ta, Khazohzy hry liata ryureina siekhei ta, Hetana heta pachiana bie a phuah:

BIESOZY 28:9

Ryhpa nathlie khoh leipa ta a nah su hro lâ a paheipa cha, A thlahchhâna chhao pasichhihpa a châ.

BIECHHOTUHPA 3:16

Cha dei châ vei, adona yna su liata paraona y hra ta, siana yna su liata chhao paraona a yzie noh ry liata ei hmô.

BIECHHOTUHPA 5:8

Dyhchhiepazy tlybaipa ta ama ypa nata adona nata siana zy thachahra hmâpa ta pahleipa a châzie zy bia liata na hmô khiahta cha, cha kyh liata na noâh khah sy. Hyutuh laipa cha ano hlâta a sâh viapa ta mohpathli ta, âmo pano chô lâta chhao hyutuhpa a sâh viapazy ama y heih.

ISAI 10:1

Dâh hiehneipa a taotuhpazy nata Tlybaina bieraopa a papuatuhpazy cha, Ama hu a po na!

AMÔSÂ 6:3

Chhiena noh lâhlapi lâ pasie ei chi ta, Thachahra hmâna dyuchhai nama vaw pahniasa.

MIKÂ 6:16

Ômri bieraopazy chhy ei chi ta, Ahabâ pathla hmotaopa zydua chhy hrapa ta, Ama ryhraonazy nama zipa vâta, Roryhrapa ta cha tao aw ei na ta, Khihsawzy ama ao pasih aw ei ta, Ei phopi nozana cha nâmo ta nama phaoh aw.”

ZAWHÂNA 11:57

Zisu ama patu thei nawpa ta, a yna su a pahnopa maihta âmo chho awpa ta, theihthai beizy nata Phârisaihzy ta biepiepa ama vaw papua hapa a châ.

ZAWHÂNA 18:28

Zisu cha Kaiphâ o tawhta râhvaotuhpa o lâ a chhi heih ei ta. Mydi kari châ ta. Zuzy deikua cha râhvaotuhpa o liata a ngia leipa ei ta. Amâ ngia khiahta cha, pathaih leipa châ aw ei ta, Zawpakhô pati ama nie thei lei awpa vâta amâ ngia leipa a châ.

ZAWHÂNA 9:22

Zuzy ta ahy rai Zisu cha Mesia a châ tahpa ta a palâhâhpa maih cha, pakhyna o tawhta papuapa a châ aw tahpa ta ama pathlu hapa vâta, a nôpawzy ta Zuzy cha chi ei ta, cha hawhta ama reipa a châ.

1 SAMUELA 22:12

Sawla ta, “Nâ Ahitu sawchapawpa, nathlie teh,” tah ta. Ano ta, “Ei zibeipa, he liata ei y,” tah ta.