HLAZY 94:16 - Mara Bible RV (BSI)

¹⁶ Ahy ma moleipa cha nâ thyuhnaopa aw? Ahy ma hmoparaopazy a dyuhpa ta ei châta a duah aw?

HLAZY 94:16 ပူးပေါင်းရင်းမြစ်များ

2 ABEIZY 10:15

Cha su tawhta a pua nahta, ano dy awpa ta a vypa Rekhâ sawchapawpa Zehônadâ a tyh ta. Zehu ta ano cha a naoh ta, a hnohta, “Na chô liata palôh dopa ei phaopa hawhna heta, ei chô liata palôh dopa na phaoh hra ma?” tah ta. Zehônadâ ta, “Ei phaoh,” tah ta. Zehu ta, “Cha khiahta la, na ku na vaw hlâ teh,” tah ta. Zehônadâ ta a ku kei hlâ ta. Zehu ta Zehônadâ cha a hnohta talailih liata pakiasa ta.

2 ABEIZY 9:32

Zehu cha opy lâ mohmia kaw pasaih ta, “Ahy ei chhâh a châ chi? Ahy?” tah ta. Hrilyupa pano pathôh ta za moh ei ta.

NEHEMIAH 5:7

Kei nata kei ta a chhohia na ta, nôpawpazy nata ryureituhpazy maochhie ei na ta, ama hnohta, “Nama unawhzy tawhta apôhna la ei chi ta,” tah na ta, ama thâtih pachâ awpa ta zawpi awpakhy na ta,

HLAZY 118:6

Abeipa ta ei chhâh a châ ta, Chavâta chi aw va na. Chyhsa ta kheihta eina tah thei aw?

HLAZY 17:13

Hy Abeipa, thyu la, Ano cha a heihnaopa ta panawh la, Ei hrona he moleipazy tawhta na zaozi ta pachha mah y.

HLAZY 59:2

Moleina hmo a taotuhpazy tawhta na pabohsa la, Thisaih a palopa chyhsazy tawhta na pachha mah y.

ISAI 59:16

Tlybaipazy a bao awpa chyhsa y leipa ei ta, Âmo châta thlah a chhâ awpa a hmô leipa vâta, Abeipa cha noâh a tah ngaita. Chavâta ano bâh tlai ta a pachhana patlôsa ta, Ano siana tlai ta a bao ei.

ISAI 63:5

Mohmia pasaih na ta, Châhrasala nâ bao awpa y veih ei; Chi ngaita na ta, Châhrasala nâ duakhei awpa y veih ei. Chavâta pachhana cha, Keima bâh tlai ta na vaw tlôkheipa ta; Keima pathiiana tlai ta einâ duakhei.

ZEREMIAH 5:1

Zerusale khiliah liata a râhreih u la, Moh u la, ngia teh u! A tlyliahzy liata tlua u la, Adona tao ta ngâchhihna a tluapa Pakha chhâ nama hmô khiahta cha, Zerusale cha ei ngiahthai aw.

EZEKIA 22:30

“Râh cha ei parao lei nawpa ta, a dôhna thokhy a tao awpa nata ei hmiakô liata râh châta apyupa liata a duah awpa chyhsa ama hry liata tlua na ta, châhrasala pakha hmah hmô veih ei na.

MALUHREINA 10:35

Byh a puana maihta Mawsi ta, “Hy Abeipa, vaw thyu mah y; Na chariahpazy papaipa ta y ei sala, Châ haotuhpazy na hmiakô tawhta a râpai mawh ei sy,” tah ta.

MATHAI 12:30

Ei chhâh a châ leipa cha nâ dyuhtuhpa châ ta, nâ pahmaohkhei leipa cha a papaituhpa a châ.

3 ZAWHÂNA 1:8

Chavâta cha hawhpa chyhsazy cha eima deichhy awpa a châ. Chatanachata biehmeiseihpa châta hrialâhpazy eima châ thei aw.

RYUREITUHPAZY 5:23

“Merô cha chhiesapa teh u,” Abeipa vâlyuhchâpa ta a tah; Abeipa bao awpa ta a vy leipa ei ta, Thatlôpazy adyuhna liata Abeipa bao awpa ta amâ vy leipa vâta, A khihsawzy cha thata chhiesapa teh u.