HLAZY 92:7 - Mara Bible RV (BSI)

⁷ Moleipazy cha sibiepa hawhta pyuhpa ta, Hmoparaopazy a sosâh kaw hra ei sala, Chhâzaw ta pahleipadia awpa ama châ.

HLAZY 92:7 ပူးပေါင်းရင်းမြစ်များ

ZAWBÂ 12:6

Hraotuhpazy ama poh o liata thlalôhpa ta y ei ta, Ama ku ta ama khazoh chaba ta, Khazohpa hie pahâhpazy â bohpa ta ama y.

HLAZY 37:38

Hmoparaopazy deikua cha, Tlokhuh pahleipadiapa châ aw ei ta; Moleipa hmialâ daihti awpa chhao, Chhawh pathlahpa a châ aw.

HLAZY 73:12

Moh teh, hezy he moleipazy châ ei ta, Phasapa ta ypa ta, Ama hneirôna a papôhsapazy ama châ hih.

HLAZY 73:22

Ahrupa nata hmo a pahno leipa châ na ta, Na hmiakô liata râhsa hawhta ei ypa kha.

HLAZY 94:4

Akhotlâh kawpa ta bie reih ei ta, Hmoparaopazy amâ palai ngaita.

BIESOZY 1:32

Sona a phahlapazy cha lâpi ama tleisaina ta âmo cha thie tyh ta, Ahrupazy chhao âmo hruna ta a pahleipadia tyh ei.

ISAI 37:27

Chavâta a chhô liata a ypazy cha, Thatlôna hnei leipa ei ta; Riahchhiepa ta y ei ta, Ama maophyuh hapa kha. Lyu chicheipa hawhta châ ei ta, Si panyupa ama lyu; Vâphuh liata sibiepa hawhta, Ama lai hlâta ama uah haw.

MALAKHAI 3:15

Tahmâ cha apalaipazy nohlaopa tah pi ta, moleipazy hra ta ama hneirôhpa dei châ leipa ta, Khazohpa pasia ei ta amâ boh thlâh haw,’ nama tah.”

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

1 PITY 1:24

“Chyhsa zydua sibiepa hawhta châ ei ta, Ama rônahna zydua chhao, Sibiepa paw hawh dei a châ. Sibiepa cha uah ta, Pawpi chhao a lo tyh.