HLAZY 92:3 - Mara Bible RV (BSI)

³ Totâ ri hrawhpa ta cha reithai na ta, Tlaipih nata ao ngiapa ta ei cha reithai tyh.

HLAZY 92:3 ပူးပေါင်းရင်းမြစ်များ

1 THÂTIHZYRONA 13:8

Dâvi nata Izarei saw zydua cha hlasapa ta, totâzy, tlaipihzy, khoh chyhpazy, paotlâzy, chiahmiezy tôpa ta Khazohpa hmiakô liata ama theina zydua papuapa ta palyupalihna tao ei ta.

1 THÂTIHZYRONA 15:16

Dâvi ta Livai pathla pawhrâhpazy cha ama unawhzy hry tawhta hlasathaipazy a tlyh ta, pyungiapa chhaichhi tlaipihzy, totâzy nata paotlâzy a paro ngaitapa ta patôsa ta, thaphana hla a paro ngaitapa ta pasasa awpa ta biepie ta.

1 THÂTIHZYRONA 23:30

My chareih ta a duah ei ta, Abeipa lâ alyna bie reipa ta ano reithai ei ta, zâlâ chhao cha hawhta ama tao tyh.

1 THÂTIHZYRONA 25:6

Ama zydua ta Khazohpa o liata chakaona rai châta paotlâzy, tlaipihzy totâzy tôpa ta, ama paw chhihthana ry liata Abeipa o liata pyungiapa lâchhâh chakaona rai hriatuhpazy ama châ. Asâpha, Zeduthu nata Hemâ zy cha abei biepiepa ry liata a ypa ama châ.

2 THÂTIHZYRONA 20:28

Tlaipih nata totâ nata chiahmie pyuzy chhaota Zerusale liata Abeipa o kei tlô ei ta.

2 THÂTIHZYRONA 23:5

su thôh su kha abei o vaih aw ei chi ta, su thôh su kha Abôna Chhikao nama vaih aw. Zawpi zydua cha Abeipa o dôhpachhôh tlyhmia liata ama y aw.

2 THÂTIHZYRONA 29:25

Abeipa o liata paotlâzy, tlaipihzy, totâzy tô awpa ta, Livai pathlazy soh ta. Cha cha Dâvi nata abei hrohsopa Kâdâ nata hrohsopa Nâthâ zy biepiepa hawhta taopa châ ta, cha biepiepa cha, a hrohsopazy hmâpa ta Abeipa ta a piepa a châ.

NEHEMIAH 12:27

Zerusale thokhy hlâna liata, paotlâzy nata tlaipihzy nata totâzy chhaota hlasapa nata alyna bie reipa ta, thokhy hlâna cha a ly ngaitapa ta hmâpa a châ thei nawpa ta, Livai pathlazy cha ama yna su chyu tawhta Zerusale lâ a vy khai awpa ta pahnosapa châ ei ta.

HLAZY 149:3

Lâpa ta a moh reithai ei sala, Khoh nata totâ chhaota ano reithaipa ta sa mawh ei sy!

HLAZY 33:2

Tlaipih ta Abeipa cha reithai u la, Totâ ri hrawhpa ta ano lâ hla sa teh u!

HLAZY 42:9

Khazohpa ei lôpanô hnohta, “Khazia eina my ha chi? Khazia chariahpa tlybaina vâta, Mâchhiesapa ta ei khie aw?” tah na ta.

HLAZY 57:8

Hy ei thlahpa, A hra teh! Hy tlaipih nata totâ zy saih u, A hra teh u! Kei ta khihdeipa ei pahra aw!

HLAZY 68:25

Hlasathaipazy hmia a sahpa ta, Pyungia tô thaipazy a hnôh chai ta y ei ta, A likawh liata laihsa kôpazy paotlâ tôpa ta sie ei ta,

HLAZY 9:16

Abeipa cha anosasyh ta a pahnosa ta, Adona ta ryu a reihpa a châ; Moleipazy deikua cha, Âmo khoheih chôpa liata amâ ao tyh. Hikaiô. Selah

1 SAMUELA 10:5

Cha khai tawhta Philistinâ pheisaih yna Kibia Elôhim tlô aw chi ta. Chatawhcha hetana heta a vaw châ aw. Khihpi na tlôpa nahta, su sâhpa tawhta â zupa hrohsopa py a tyh aw chi ta, totâ, khoh, ramo nata tlaipih tôtuhpazy ta hmia a sah aw ei ta, hrohsopazy ta hrohsona bie ama phuahpa na hmô aw.