HLAZY 91:14 - Mara Bible RV (BSI)

¹⁴ Abeipa ta hetana heta a tah: “Kyh khâchâ nâ pachâpa cha pachha aw na ta, Ei moh a pahnopa cha ei pabohsa aw.

HLAZY 91:14 ပူးပေါင်းရင်းမြစ်များ

1 THÂTIHZYRONA 29:3

Cha dei châ vei, o pathaihpa châta ei pachhuapanohpazy hleikhô ta, keima ngôh nata tâkâ zy chhao ei pie pâ hra. Ei Khazohpa o he ei pachâ peimawh ngaitapa vâta, ei Khazohpa o châta ei piepa a châ.

EZRÂ 8:31

Chatawhcha Zerusale lâ sie awpa­ ta, thla khana, noh hrawh hleinona noh ta, Ahavâ chavah tawhta pua pi ta. Eima Khazohpa ku cha eima chô liata y ta, lâpi liata miah a byhpa eima chariahzy ku tawhta miah pachha lymâ ta.

HLAZY 59:1

Hy ei Khazohpa, ei chariahpazy tawhta na pachha la, Nâ thyuhnaopazy tawhta na vaih mah y.

HLAZY 9:10

Na moh a pahnopazy ta châ ngâchhâ ei ta, Hy Abeipa, nâ cha châ tluatuhpazy a heihsai beih va chi.

HLAZY 9:11

Zaio beidyuchhai liata a tyuhpa, Abeipa lâ reithaina hla sa u la; Phopizy hnohta a hmotaopazy chho teh u!

HLAZY 91:9

Abeipa cha na pahrâna châta hmâh chi ta, Chônôchaipa cha nâ chhaina ta na hmâpa vâta,

ISAI 33:16

Cha chyhsa tlai cha su sâhpa liata a pahrâ aw. Â chhaina su cha lôpanô thokhyzy châ aw ta, A nie awpa piepa a châ aw; Ti a do awpa chhao chie aw vei.

ZEREMIAH 39:17

Nâ deikua cha, cha noh liata cha pachha aw na ta, na chi kawpa chyhsazy ku liata hlâpa châ aw va chi, Abeipa ta a tah.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

ZAWHÂNA 16:27

Ei kyh na pachâ ei chi ta, Paw tawhta a zupa ei châpa namâ ngiapâpa vâta, Paw ta kyh a cha pachâ ei.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

KALATIA 4:9

Tahmâ cha Khazohpa nama pahno haw. Khazohpa ta a pahnopa nama châ haw tah awpa tlao a châ. Cha hawhta nama châ tawh hmâchhâh ta, kheihtazieta khizaw ryhpa chiehleipa nata phahnai leipa lâ nama kua thlâh heih tly? Ama sei ta y heih awpa ma nama tlaichhai?

ZÂMIE 1:12

Pasiana liata â ipa ta a duahpa cha a nohlao na. Pasiana a pahnie tita, Khazohpa ta ano kyh a pachâtuhpazy hnohta bie â taihpa hrona lakho a to aw.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?