HLAZY 91:11 - Mara Bible RV (BSI)

¹¹ Na siena lia maihta châ vaih awpa ta, Nâma kyh liata a vâlyuhchâpazy bie a pie aw ei.

HLAZY 91:11 ပူးပေါင်းရင်းမြစ်များ

ÂTHAONA 28:15

Pachâ teh, na hnohta ei y. Na siena maihta cha vaih lymâ aw na ta, he râh lâ he ei châ vaw chhi heih aw. Na hnohta bie ei taihpa he, ei patlô hlâlei cha, cha siesai cheita aw va na,” tah ta.

HLAZY 34:7

Abeipa a chituhpazy cha, A vâlyuhchâpazy ta chadô ei ta; Ama kiapâh liata riehmo paryh ei ta, Âmo cha ama pachha tyh.

HLAZY 71:3

Khâ ei pangai tyh awpa, Ei chhaina lôpanô na châpa la; Ei lôpanô nata ei thokhy châ chi ta, Na pachha awpa ta biepie mah y.

PUASAINA 23:20

“Moh teh, lâpi liata châ vaih awpa nata su ei chhuahdypa châ tlôkhei awpa ta, na hmia lâta vâlyuhchâpa ei pasiesa.

BIESOZY 3:6

Na lâpi zydua ano pahnosa lymâ la, Na lâpizy a patlâsa lymâ aw.

ISAI 31:1

Baona hia awpa ta Izi râh lâ zu ta, Arâzy liata a pahniehpazy cha, Ama hu a po na! Izarei Mo Pathaihpa lâ moh leipa ei ta, Abeipa a saohiah hra veih ei; Talailih hluhpi hneina liata ama ngâna tlao pahnieh ei ta, Arâ pheisaih thatlôpazy liata tlao amâ pahnieh.

ZEREMIAH 2:18

Tahmâ Nile tizy doh awpa ta Izi lâpi nâ chhihpa cha, Khâpa athôhna ma na hmô aw? Ufrâti tizy doh awpa ta Asuria lâpi nâ chhihpa chhao, Khâpa athôhna ma na hmô aw?

MATHAI 4:6

a hnohta, “Khazohpa Sawchapawpa na châ khiahta cha, a zaw pathlah teh, “‘Khazohpa ta nâma kyh liata, A vâlyuhchâpazy biepie aw ta, Na phei alô liata nâ chhuh lei nawpa ta, Ama ku ta ama cha chalo aw,’ Tahpa ta ropa a châ,” tah ta.

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.