HLAZY 90:12 - Mara Bible RV (BSI)

¹² Sona palôh eima hnei thei nawpa ta, Eima hro chhôh nohzy reizie awpa miah pachu mah y!

HLAZY 90:12 ပူးပေါင်းရင်းမြစ်များ

ZAWBÂ 28:28

Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

HLAZY 39:4

“Hy Abeipa, ei chhâ nawpa daihti na pahnosa la, Ei hro chhôh noh awpa zie na chhopa ta, Ei hrona dadiehzie he na pahnosa mah y!

HLAZY 39:5

Ei hro nohzy he pazah tie deita ta tao chi ta, Na hmiakô liata la ei hro chhôh kôzy he khazie hmah châ vei. Chyhsapa hrona he la, Ei kha husopa hawh dei na a vaw châ. Selah

BIESOZY 16:16

Ngôh hlâta sona hneipa pha via syulyu ta, Tâkâ vyuhpa ta novâhna tlao a tlyh awpa a châ.

BIESOZY 22:17

Na nah pachôhpa ta asopa biezy nathlie la, Ei sona a chuna châta na palôh hmâh mah y.

BIESOZY 23:12

Pachuna lâ na palôh pahei la, Na nah chhao pahnona biezy lâ pahei mah y.

BIESOZY 23:23

Biehmeiseihpa chalei la zuah khao leipa la, Sona nata pachuna nata pahnona zy chalei mah y.

BIESOZY 4:5

Sona tlua la, Novâhna tlua mah y; Ei pakah tawhta bie a puapazy my leipa la, Tleisai khah y.

BIESOZY 4:7

Sona thabypa cha he he a châ: Sona cha tlua la, Khâpa zydua hlâta novâhna tlua chai mah y.

BIECHHOTUHPA 7:2

Kyhchhi a hlaopa hlâta, Mâchhiesana o lâ vawpa a pha via; Cha cha chyhsa zydua chhâna noh châ ta, Ahrohpazy ta ama palôh liata ama khô awpa a châpa vâta.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

ZAWHÂNA 9:4

Nohchhô a châ nota nâ tuahtuhpa rai ei hria awpa a châ. Zâ châ daihmâ ta, cha tita la ahy hmahta rai hria thei khao aw veih ei.

RYHPACHANEINA 32:29

Ama so mawh sala, Cha kyh cha ama novâh aw ta, Ama chhâ nawpa ama pahno awpa tlai!