7 Abeipa deikua cha tlyzaw ta ryureih ta, A beidyuchhai cha ryureina dopa châta a padua;
Nâ deikua cha, Hy Abeipa, Na beidyuchhai liata tlyzaw ta a tyuh chi ta; Chhâ zydua ta ama châ thei lymâ.
Abeipa ta vârâh liata a beidyuchhai padua ta, Â beinarâh cha ato chô liata ryureituhpa a châ.
Siana nata adona cha na beidyuchhai abôna châ ta, Kyhpachâna nata ngâchhihna na hmia lâta ama sie.
Tlâhpizy ama y hlâta y ha chi ta, Leilô nata khizaw zy na padua hlâ chhao ta na y haw; Chhâzaw nata tlyzaw ta Khazohpa na châ.
Zisu Krista cha zâhia nata tanoh nata chhâzaw ta a ualua ta a y thlâhpa a châ.
Kho ngaitapa saih u, he hmo miakha he my khuh vy: Abeipa pachâ ta cha, noh kha he kô sâh kha hawhta châ ta, kô sâh kha chhao noh kha hawhta a châ.
Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.